Baıanaýyldyń Maıqaıyń kentinde 9 myńdaı halyq tursa, 3-myńdaıyn elge oralǵan qandastarymyz qurap otyr. Aǵaıyndardyń ortaǵa kelýi – kent tirligine rýhanı ózgeris ákelip, mektebinde bala sanyn kóbeıtip, mádenı ómiri de jaınap sala berdi. О́zderi alystan ańsap jetkende bóten ataýlardyń júrekterin aýyrtyp, qanshama jyl mánin túsine almaı júrdi. Sondyqtan, kent ákimdigi kóshelerdiń ataýyn aýystyrý jónindegi usynystarǵa oraı, barlyq turǵyndarmen kezdesýler ótkizdi. Qazaq jerinde, qazaq elinde turyp ótkennen qalǵan qyzyl ataýlarmen ómir súrýdiń ýaqyty ótti.
Endi kenttiń kóshelerinde bálenbaı jyl ómir súrgen bul qyzyl ataýlardyń ornyna endi Shákir Kenjebaev atyndaǵy, Dostyq, Táýelsizdik jáne Kenshi degen týǵan ataýlar beriledi. Mysaly, Shákir Kenjebaev aǵamyz kezinde "Maıqaıyń-Altyn" ken-baıytý kombınatynda kóp jyl eńbek etken kenshi. Sonymen birge, Lenın, Sportıvnaıa, Lermontov, M.Gorkıı, R.Lıýksembýrg, Telman, Jılploshadka kósheleri – Astana, Saryarqa, Baıanaýyl, Báıterek dep jańaryp, jańǵyrady.
Sóıtip, rýhanı oıanǵan, elim, jerim degen turǵyndardyń kóshe ataýlaryn aýystyrý boıynsha osyndaı órshil usynystary aýdan ákimdigine jiberildi. Aýdan basshysynyń qaýlysy shyqqan soń oblystyq onomastıkalyq komıssııa qaraıdy. Onomastıkalyq komıssııa bizdiń qazaqtyń Saryarqa, Astana, Báıterek, Táýelsizdik degen uly uǵymdaryna jarqyratyp jol ashyp bereri sózsiz. Kent ákimdiginiń habaryna qaraǵanda, qazir qujattardy rásimdeý jumystary bastaldy. Olaı bolsa, aldaǵy jaz aıyndaǵy merekelerdiń birinde jańarǵan, jańǵyrǵan kóshe ataýlarynyń qýanyshyn birge atap ótemiz, -deıdi turǵyndar.
Farıda Byqaı
«Egemen Qazaqstan
Pavlodar oblysy,