• RUB:
    6.68
  • USD:
    520.93
  • EUR:
    609.07
Basty saıtqa ótý
Kıno 29 Mamyr, 2017

Tursynov sarbaz týraly fılmniń túsirilim jumystaryna kiristi

141 ret
kórsetildi

Rejısser Ermek Tursynov sarbaz týraly fılmniń túsirilim jumystaryna kiristi. Kıno ekinshi dúnıjúzilik soǵycqa qatysqan sarbaz týraly bolmaq.

Keıipker nemis qarııadan syıǵa kınoapparat alady. Qartaıǵan shaǵynda ol aýyldardy aralap súıikti fılmderin kórsetedi. Týyndy ónerdiń arqasynda ol álemdi ózgertedi degen ıdeıaǵa kep tireledi, dep habarlaıdy QazAqparat tilshisi. «Kınomehanık» kınokartınasy QR Mádenıet jáne sport mınıstrliginiń tapsyrysy boıynsha túsirilgeli otyr. «Fılmniń ıdeıasy marqum Meńtaı О́tepbergenovtiki. Bir kúni kınostýdııada kezdeskenimizde kınomehanıkter týraly oıyn aıtty. Keıinnen onyń oıyn tarqatyp, ssenarıı jazyp shyqtym. Ssenarııdi kórgen sátten bastap, aýyryp júrgenine qaramastan, basty róldi somdaýǵa daıyndalyp, qýanyp júrdi. О́ıtkeni ol kóbinde epızodtyq rólderde oınap, basty rólder buıyrmaǵan akter bolatyn. Biz onyń úıinde talaı kezdesip, repetısııa jasap, keıbir sahnalar týraly aıtyp júrdik. Amal neshik, fılmniń shyqqanyn kóre almaı ketti... Alaıda, onyń esimi tıtrda bolady», - dedi rejısser Ermek Tursynov. Kartınanyń prodıýseri Qanat Tórebaıdyń aıtýynsha, ekinshi Dúnıejúzilik soǵys sýretteletin kadrlar ótken jyldyń jeltoqsan aıynda Vengrııanyń astanasy  Býdapeshtte túsirilgen. 8 mınýttyq beınematerıal Eksperttik keńes múshelerine tanystyryldy. «Soǵystan keıingi jyldardy sahnalaýǵa qajetti obektilerdi tabý úshin Qazaqstannyń barlyq aımaǵyn aralap shyqtyq. Kórgen obektilerdi Sháken Aımanov atyndaǵy «QAZAQFILM» aksıonerlik qoǵamy qoryta kele, túsirilimderdi Almaty oblysy, Jarkent qalasy mańynda júrgizýge usynys aıtty. Fılmniń negizgi aıtar oıy -  uly kıno óneriniń kúshi men ıgilik estafetasy. Bizdiń kartınamyz HH ǵasyrda kıno ónerin taratýshylarǵa baǵyshtalady», - dedi prodıýser. Kınotýyndyda basty rólderdi Murat Maqajanov jáne kartınanyń qoıýshy sýretshisi Qýat Tileýbaı somdaıdy. Sondaı-aq, reseılik ártis Nına Ýsatovamen kelissózder júrip jatyr. 31 mamyr kúni túsirilim toby Almaty oblysyna attanady. Sońǵy túsirilimder Almatydaǵy «Qazaqfılm» kınostýdııasynyń terrıtorııasynda jáne Talǵar qalasynyń Mádenıet saraıynda ótedi dep josparlanýda. Qazir sýretshiler ǵımarattyń tarıhı keıpin qaıta keltirý jumystaryn jasap jatyr. Atap aıtsaq, túsirilim kezinde Lenınniń eskertkishi jáne sol dáýirden habar beretin atrıbýtıkalar qoıylady.

Derekóz: inform.kz

Sońǵy jańalyqtar