Teńizde, sýda, aspanda ótken áskerı jattyǵýlar tabysty aıaqtaldy

Jaqynda Kaspıı teńizi aıla­ǵyndaǵy Qazaqstan sektorynda já­ne «Oımasha» polıgonynda iri kó­lemdi birlesken «Orta­lyq-2011» strategııalyq jatty­ǵýy­nyń sheshýshi kezeńi ótti. Jaýyngerlik is-qımyldardyń qurlyqtaǵy, teńiz­degi jáne áýe­degi áreketin Qazaq­stan Respýb­lıkasynyń Qorǵanys mınıstri Ádilbek Jaqsybekov baqylap otyrdy.

Eki armııanyń áskerı qyzmet­shileri desantqa qarsy qorǵanys, teńizdegi urys, taktıkalyq teńiz de­santyn túsirý jáne basqa da zamanaýı soǵys qaqtyǵystary­nyń elementterin kórsetip, jat­tyǵýdyń negizgi arqaýy bolyp tabylatyn Ortalyq Azııa aıma­ǵynda oryn alǵan oqıǵalardy ózgertýge qatys­ty operasııalar­dy júzege asyrdy.

Qazaqstan men Reseı qarýly kúshteriniń bólimderi koalısııa­lyq «Kaspıı» áskerler tobynyń negizin qurady. Qazaqstan tara­pynan onyń quramyna desantty-shabýyldaýshy bólimder, teńiz jaıaý áskerleri, ártekti korablder dıvızıony men avıasııa, sondaı-aq IIM Ishki áskerleri, UQK Shekara qyzmetiniń jaǵalaý kúzeti men Qazaqstan Tótenshe jaǵdaılar mınıstrligi kirdi.

Qazaqstan men Reseı memle­ketteriniń áskerı qyzmetshileri shartty túrdegi jaýǵa shabýyl ja­sady. Atys teńizden, aspan men jerden júrgizildi. Jaý jaǵa­laýǵa kelip ornalasty. Mı-17 tikushaǵy­men urys dalasyna mına ornalas­tyrýǵa sheshim qabyl­dandy.

Teńiz ústinde de urys qı­myl­dary júrýde. Kemelerden soqqy beretin top jaýdyń teńizge desantyn túsirtpeý maqsatynda urysqa kiristi. Is-qımyldar ba­ry­synda eki jaqtyń kemeleri bir-birine jaqyndaı tústi. Ar­tıl­lerııalyq qondyrǵylardan oq jaý­dyryldy. Atys basqarý kemesinde urysqa qabiletti kemelerdiń sany belgili bolǵan soń olarǵa qarsy artıllerııadan soqqy berildi. Jaýdyń desant otrıady joıyldy.

Budan soń avıasııaǵa kezek keldi. Reseı Federasııasy áske­rı-áýe kúshteriniń bombalaýshy qos Sý-24 ushaǵy jaý pozı­sııa­syn bombalap ótti. Budan soń zenıt qondyrǵylarynan áýedegi jaý shabýylyna toıtarys berildi.

Osydan keıin «Oımasha» po­lıgonynda qazaqstandyq jáne re­seılik armııanyń áskerı qyz­met­shileri qarsylastardyń al­dyń­ǵy sheptegi otrıadynyń shabýylyna tótep berip, sońynan qarsy shabýylǵa shyqty.

Qarsy jaqtyń jyljyp bara jatqan mehanıkalandyrylǵan ko­lo­nnasyna QR QK ÁQK-niń qos Sý-27 ushaǵy áýeden birinshi bolyp soqqy berdi. Shartty jaý buǵan daıyn bolatyn. Bizdiń ás­kerler alǵy shepke jyljýda. Dál osy sátte jaýdyń artıllerııalyq bólimsheleri ornalasqan aýdanǵa ekinshi ret soqqy berildi. QR QK ÁQK-niń qos Mı-24 tikushaǵy jyljyp kele jatqan jaý ko­lon­nasyna ústi-ústine oq jaý­dyr­dy. Osy kezde tyldyq jáne tehnı­ka­lyq qamtamasyz etý bólimderi alǵa qaraı jyljı jó­neldi. Oq-dárilerdiń, janar-jaǵar maıdyń qory tolyqtyrylyp, jaralylar men jaramsyz tehnıkalardy qaýip­siz aımaqqa alyp ketý júzege asyryldy.

– Jattyǵýda alǵa qoıylǵan maq­sattarǵa tolyq qol jetkizildi, eki el armııasynyń áskerı qyz­metshileri birlesken is-qı­myldyń barlyq kezeńderinde shy­naıy sheberlikteri men joǵary kásibı­likterin tanytty, – dep atap ótti Qazaqstan Respýb­lıkasynyń Qor­ǵanys mınıstri Ádilbek Jaqsy­bekov. – Jatty­ǵý­ǵa qatysýshy memleketterdiń qarýly kúshteri jaýyngerlik qı­myldardy júrgizý barysynda bólimder men bólim­shelerdiń basqarý organdarynyń ózara baı­lanystaryn uıymdas­tyrýda mol tájirıbe jınaqtady.

Jaýyngerlik is-qımyldar­dyń sońynda teńiz jaıaý ásker­leri kedergilerden ótý arqyly atý jat­tyǵýlaryn oryndady. Mu­nan soń QR IIM Ishki ásker­leriniń bólim­shesi blok-posta jaýdy joıýdyń ádis-tásilderin, al QR Tótenshe jaǵdaılar mınıstrligi bólimder­diń órt són­dirý kezindegi áreket­terin kór­setti jáne dala­lyq me­dısına­lyq gospıtaldi ornatty.

Qazaqstan qorǵanys vedoms­tvo­synyń basshysy jattyǵýda kózge túsken eki el armııasynyń áskerı qyzmetshilerin marapat­ta­dy. Birlesken «Ortalyq-2011» strategııa­lyq jattyǵýynyń sal­ta­natty ja­bylý rásimi burnaǵy kúni ótkizildi.

Oksana PARPÝRA, Qorǵanys mınıstrligi baspasóz qyzmetiniń ókili.

Sýretterdi túsirgen Roman KAZÝNIN, Ermek SARBASOV.