Qyzylorda oblysyna Shvesııa Koroldiginiń QR Tótenshe jáne О́kiletti Elshisi Krıstıan Kamıll jáne Fınlıandııa Respýblıkasynyń QR Tótenshe jáne О́kiletti Elshisi Ilkka Raısanen jumys saparymen keldi. Elshiler aımaqtaǵy birqatar óndiristik nysandardy aralap, Qyzylorda qalasynyń sol jaq jaǵalaý qurylysy jobasymen tanysyp, aımaq basshysymen kezdesti.
Qyzylorda oblysynyń ákimi Q.Kósherbaevpen kezdesý barysynda óńirdiń ınvestısııalyq áleýeti men yntymaqtastyqtyń perspektıvti baǵyttary týraly áńgime boldy. Q.Kósherbaev sheteldik ınvestorlarǵa usynylatyn preferensııalar men jeńildikter týraly aıtyp berdi.
«Biz árqashanda sheteldik ınvestorlarmen jáne qarjy uıymdarymen yntymaqtastyq baılanys ornatýǵa yntalymyz. Investordyń qosqan úlesi naqty is-qımylmen, atap aıtqanda óndiris, eńbekpen qamtý jáne jumysshylardy áleýmettik qorǵaý sharalary arqyly baǵalanady», dep atap ótti oblys ákimi.
Sonymen qatar, osy kúni elshiler ınvestısııalyq yntymaqtastyqty damytý jónindegi jıynǵa qatysyp, Qyzylordanyń kórikti jerlerin aralady.