Búgin Úkimet otyrysynda Jambyl oblysynyń ákimi Kárim Kókirekbaev Tarazda bolǵan daýyldyń zardaby týraly baıandady.
«Qurylys alańynda tóbeden shatyrdy ushyryp áketti, qurylysshylar - 1994 jyly týǵan Bekseıitov pen 1963 jylǵy Nurjanov oqıǵa ornynda qaza tapty. 14 jastaǵy 8-synyp oqýshysy Bekzat Úmbetalıev úzilgen symdy basyp ketip, toq soqty. Sol kezde 1986 jyly týǵan Hamıtqyzy men 1956 jylǵy Beksultanovany jeke turǵyn úıdiń qorshaýy qulap ketken. Ekeýi de aýrýhanaǵa jatqyzyldy. 2006 jyly týǵan Orynbasarǵa aǵash qulady. Ol da aýrýhanaǵa jetkizildi. Sondaı-aq aǵashtar qulap elektr symdaryn úzdi jáne gaz qubyrlaryn qıratty», - dedi Kókirekbaev.
Premer-Mınıstr Baqytjan Saǵyntaev qalanyń qyzmetin tolyq qalpyna keltirýdi, zardap shekkenderge qajetti kómekti kórsetýdi jáne jasalyp jatqan jumystar men nátıjeler týraly árdaıym aqparattandyryp otyrýdy tapsyrdy.
29 mamyr kúni Tarazda joıqyn daýyldyń ekpini 30 m/s jyldamdyqqa deıin jetken bolatyn. Ákimniń sózi boıynsha, oblysta ákimniń birinshi orynbasary tóraǵalyq etetin arnaıy komıssııa qurylǵan. Tańǵa jaqyn apat saldarlaryn joıý qyzmeti elektr energııasymen qamtamasyz etý jumysyn tolyǵymen qalpyna keltirdi. Qulaǵan aǵashtar men qoqystardy jınaý jumysy júrgizilip jatyr.