Premer-Mınıstr Baqytjan Saǵyntaevtyń tóraǵalyǵymen ótken Úkimet otyrysynda aýyl sharýashylyǵy mınıstriniń birinshi orynbasary Qaırat Aıtýǵanov AО́K damytý memlekettik baǵdarlamasyn iske asyrý aıasynda júrgizilip jatqan egis naýqany jáne egis alqaptaryn ártaraptandyrý barysy týraly baıandady.
Q.Aıtýǵanov búgingi tańda kóktemgi-dala jumystary 85%-ǵa aıaqtalǵanyn aıtty. Kóktemniń kesh kelýine qaramastan, qarqyn ótken jylǵy deńgeıde, al jekelegen óńirler boıynsha 2016 jylmen salystyrǵanda joǵary eken. Al aǵymdaǵy jyly suranysqa ıe daqyldar egisine arnalǵan alqaptar 932 myń ga-ǵa artqan.
Astyq sapasyn arttyrý úshin Aýyl sharýashylyǵy mınıstri biregeı jáne elıtalyq tuqymdardy, sondaı-aq mınımaldy normalardy qoldanýsyz basymdyqty daqyldardyń birinshi kóbeıtilgen tuqymdaryn jáne birinshi urpaq býdandarynyń tuqymdaryn sýbsıdııalaýdy qalpyna keltirdi.
Sonymen qatar, aǵymdaǵy jyly tuqym sharýashylyǵyn sýbsıdııalaýǵa 2016 jylǵa qaraǵanda 3,2 ese kóp qarajat qarastyrylǵan.
Dınara Bitikova
"Egemen Qazaqstan"