Búgin «LOT Polish Airlines» áýe kompanııasy Varshavadan Astanaǵa áýe qatynasyn ashady. Reıs 2017 jyly 30 mamyrdan aptasyna 4 ret seısenbi, beısenbi, senbi jáne jeksenbi kúnderi Boıng 737 úlgisindegi áýe kemesimen oryndalady. Polshanyń «LOT» áýe kompanııasy EXPO-2017 halyqaralyq kórmesi kezinde Astanaǵa aptasyna 7 reıs oryndaýǵa ruqsat aldy.
Sondaı-aq, «SCAT» áýe kompanııasy 31 mamyrdan Astana men Erevan arasynda tikeleı áýe baılanysyn ashady. Reıs aptasyna 2 ret sársenbi jáne senbi kúnderi oryndalady. Qazirgi ýaqytta turaqty áýe baılanysyn «SCAT» áýe kompanııasy birjaqty tártipte Aqtaý - Erevan baǵyty boıynsha aptasyna 3 ret júzege asyrýda.
«Eır Astana» áýe kompanııasy 1 maýsymnan bastap Astanadan Kıevke ushatyn reısti qalpyna keltiredi. Reıster aptasyna 5 ret dúısenbi, sársenbi, beısenbi, juma, senbi kúnderi qatynaıdy. Tasymaldaýshy retinde Qazaqstan tarapynan «Eır Astana» jáne «SKAT» áýe kompanııalary, al Ýkraına jaǵynan «MAÝ» áýe kompanııasy belgilendi. Turaqty ushýlardy oryndaý úshin ruqsat etilgen pýnktter:
-qazaqstandyq tasymaldaýshy úshin - Kıev, Lvov, Odessa, Sımferopol, Donesk, Harkov.
-ýkraındyq tasymaldaýshy úshin - Almaty, Astana, Qaraǵandy, Qostanaı, О́skemen, Pavlodar, Aqtaý.
Qazirgi ýaqytta tikeleı reıster myna baǵyttar boıynsha oryndalýda:
- Kıev – Astana aptasyna 7 reısov (MAÝ);
- Kıev – Almaty aptasyna 7 reıs (MAÝ);
- Almaty – Kıev aptasyna 7 reıs (Eır Astana).