Forýmnyń maqsaty - Aral óńiriniń ekologııalyq jáne áleýmettik-ekonomıkalyq jaǵdaıy týraly keńirek aqparattandyrý, ózekti máselelerge álemdik qaýymdastyqtyń nazaryn aýdarý.
Forým jumysyna Qazaqstan Respýblıkasynyń Memlekettik hatshysy G.Ábdihalyqova, Parlament depýtattary, Qazaqstan Respýblıkasynyń jáne Ortalyq Azııa elderiniń ortalyq jáne jergilikti memlekettik organdarynyń basshylary, Qazaqstan Respýblıkasyndaǵy dıplomatııalyq ókildikterdiń basshylary, halyqaralyq uıym ókildikteriniń jetekshileri, ǵalymdar, sarapshylar jáne t.b. qatysty.
Forýmnyń ashylýynda Qyzylorda oblysynyń ákimi Qyrymbek Kósherbaev Qazaqstan Respýblıkasynyń Tuńǵysh Prezıdenti, Elbasy N.Á. Nazarbaevtyń Birikken Ulttar Uıymynyń minberinde Aral teńiziniń máselesi bizdiń óńirge ǵana emes, búkil álemge qater tóndiretindigi týraly aıtqan málimdemesin keltire otyryp, teńizdiń tartylýy saldarynan kóterilgen shań men ýly tuz qazirdiń ózinde Eýropa men Antarktıdadan tabylyp otyrǵandyǵyn atap ótti.
Qazaqstan Respýblıkasynyń Memlekettik Hatshysy G.Ábdihalyqova alǵysóz sóılep, Qazaqstan Respýblıkasynyń Parlamenti atynan, sondaı-aq Qyrǵyzstan, Tájikstan, Túrkimenstan, О́zbekstan memleketteriniń delegasııalary, Birikken Ultar Uıymynyń, Dúnıejúzilik Bank jáne Eýropalyq ekonomıkalyq kommısııanyń ókilderi óz quttyqtaýlaryn joldady.
Araldyń ekologııalyq jáne áleýmettik-ekonomıkalyq máselerin talqylaýmen qatar, forým barysynda ındýstrıaldy ekologııa, ǵalamdyq klımattyq ózgerister, keshendi sý taqyryby men atalǵan ózekti máselelerdi sheshýdiń álemdik tájirıbesi talqylandy.
Forým aıasynda derekti jáne ǵylymı tanymdyq fılmder kórsetilip, Aral óńiri men Aral týraly avtorlyq kórkem týyndylar men ǵylymı monografııalar tanystyrylady.
Sondaı-aq, Aral basseıniniń problemasy men Aral óńiriniń máselelerine eleýli úles qosqan uıymdar men tulǵalardyń eńbekteri atap ótilip, marapattalady jáne yntymaqtastyq týraly birqatar hattamalarǵa qol qoıyldy:
1) «Aral teńiziniń shyǵys jaǵalaýynan «Jasyl beldeý» qurý jobasy;
2) «Jabaıy janýarlardy klımattyń ózgerýine jersindirýdiń Aral óńiri ortalyǵyn qurý» jobasy;
3) «Qamystybas» kóliniń jaǵalaýynda «Aral» ǵylymı – týrıstik ortalyq» qurý;
4) «Qyzylorda oblysynyń Atlasyn daıyndaý jáne GIS tehnologııasynyń negizinde Aral óńiriniń ınteraktıvti elektrondy kartasyn» ázirleý jáne ózge de jobalar boıynsha.
Sharanyń qorytyndysy boıynsha qatysýshylar forýmnyń qararyn qabyldap, Halyqaralyq Araldy qutqarý qorynyń qurylǵan kúni 26 naýryz - «Aral teńiziniń kúni» retinde jarııalaý jónindegi HAQQ-nyń Qazaqstandaǵy Atqarýshy Dıreksııasynyń bastamasyn qoldady.
Aldaǵy ýaqytta, forým Qyzylorda qalasynda Aral óńiri Memleketteri Basshylarynyń sammıtin daıyndaýǵa nıetti.
Ekinshi kúni forýmǵa qatysýshylar Aral teńiziniń qazaqstandyq bóligin tikushaqpen aralaıdy.