Jobanyń maqsaty – turǵyn úı qoryn basqarý jáne kútip-ustaýǵa shaǵyn jáne orta bıznesti (ShOB) tartý arqyly TKSh sektorynyń ınvestısııalyq tartymdylyǵyn arttyrý bolyp tabylady.
Qazaqstanda búgingi tańda shamamen 80 000 kóppáterli turǵyn úı ǵımarattary tirkelgen. Ǵımarattardyń 1/3 bóligi jóndeý júrgizýdi qajet etedi. Kóptegen ǵımarattardyń jylýmen qorǵaýdyń qazirgi zamanǵy talaptaryna sáıkes kelmeýine baılanysty termojańǵyrtýdy talap etedi. ShOB osy máselelerdi sheshýdiń lokomotıvi bola alar edi, alaıda atalǵan salaǵa aıtarlyqtaı nazar aýdarylyp otyrǵan joq.
Turǵyn úı-kommýnaldyq sharýashylyǵy, ásirese onyń segmentteriniń biri – kóppáterli turǵyn úı qory – buǵan deıin kommersııalyq ınvestısııalar úshin paıdalanylmaǵan bolashaǵy bar naryq bolyp tabylady. Alaıda, buǵan tıisti normatıvtik-quqyqtyq jáne ınstıtýsıonaldyq jabdyqtaý qajet. Qazaqstan Respýblıkasynyń Úkimeti men BUUDB arasyndaǵy birlesken jańa jobasy - turǵyn úı zańnamasyna qajetti ózgeristerdi, tolyqtyrýlardy ázirleýmen, turǵyn úılerdi kásibı deńgeıde basqarýǵa aýysý úshin jaǵdaı jasaý jáne sektorǵa ınvestısııalardy tartýdyń ártúrli mehanızmderin synaqtan ótkizýmen aınalysýdy josparlap otyr.
Osy máselelerdi sheshý qalalardaǵy jáne turǵylyqty eldi-mekenderinde halyqtyń ómir súrý sapasyn arttyrýǵa, TKSh júıeleriniń turaqty qyzmet etýine, turǵyn úı sektoryndaǵy energııa tıimdiligin ilgeriletýge jáne jańa jumys oryndaryn qurýǵa yqpal etetin bolady.
QR IDM men BUUDB arasyndaǵy birlesken joba 2018 jyldyń aıaǵyna deıin iske asyrylady. Jobanyń jalpy bıýdjeti 650 mln.teńgeden asady.
Atalǵan joba, bıznestiń áleýmettik jaýapkershiligin arttyrýǵa baǵyttalǵan, al qabyldanatyn sheshimder turǵyndardyń masyldyǵyn tómendetýge yqpal etedi.