Ońtústik Qazaqstan oblysynda 50 myń usaq sharýashylyq múshelerinen quralǵan 438 aýyl sharýashylyǵy kooperatıvteri quryldy. Bul týraly Ońtústik Qazaqstan oblysynyń ákimi Janseıit Túımebaev ákimdikte ótken májiliste aıtty.
«Elimizdiń Aýyl sharýashylyǵy, Áleýmettik damý mınıstrligi jáne Ońtústik Qazaqstan oblysy ákimdigi arasyndaǵy «Úsh jaqty» ındıkatıvti kórsetkishter jóninde bekitilgen is-sharalar sheńberinde bıylǵa taǵy da 75 birlik aýyl sharýashylyǵy kooperatıvterin qurý josparlanyp otyr. Sondaı-aq, bul maqsatqa 6,8 mlrd teńge qarajat bólinedi», dedi oblys ákimi.
Fermerlerdi nesıelendirý úshin «Nátıjeli jumyspen qamtý jáne jappaı kásipkerlikti damytý» baǵdarlamasynyń ekinshi baǵytymen 3,2 mlrd teńge, «Aýyl sharýashylyǵy qarjylaı qoldaý qory» AQ 1,9 mlrd teńge, «Agrarlyq nesıe korporasııasy» AQ arqyly 1,3 mlrd teńge bólinetin bolady.
Baqtııar TAIJAN, «Egemen Qazaqstan»