Jalpy bundaı báıgeli jarysty ótkizýdegi basty maqsat – Qoja Ahmet Iаsaýı qalyptastyrǵan hıkmetterin keńinen nasıhattaý. Osy arqyly oqýshylardyń ıntellektýaldyq paıym-parasattaryn qalyptastyryp, rýhanı jaǵynan baı túsýine múmkindik týǵyzý ıgi qadam bolyp tabylady.
Qazirgi jahandaný zamanynda yqpal etpeı qoımaıtyn syrtqy jaǵymsyz salt-dástúrlerdiń jeteginde ketip qalmaýdyń ózindik bir tetigi dese de artyq aıtqandyq emes. Osyny basshylyqqa aldy ma, is-sharany Aqmola oblystyq bilim basqarmasynyń «Oblystyq oqý – ádistemelik kabıneti» KMM uıymdastyryp otyr. Mine osy mekeme uıymdastyrǵan oblystyq baıqaýda Kókshetaý qalasynyń №3 DBAOMMI 10-synyp oqýshysy Aıjan Ryspekova jeńip aldy.
– Men osy baıqaýda jeńiske jetkenime qýanyshtymyn! О́te uzaq daıyndaldym. Men úshin Qoja Ahmet Iаsaýı týyndylary óte qyzyqty. Oblysymyzdyń namysyn Respýblıkalyq kezeńde laıyqty deńgeıde qorǵaımyn degen senimdemin, – dep aǵynan jaryldy Aıjan.
Birinshi oryn Býrabaı aýdany Atameken orta mektebiniń 9-synyp oqýshysy Dilnar Dáýlethanǵa buıyrsa, Kókshetaý qalasy №3 MG 10-synyp oqýshysy Dıana Nıǵmetjanova men Selınograd aýdany Qoıandy mektebiniń 9-synyp oqýshysy Janat Oqa ekinshi oryndy ıemdendi. Al Jaqsy aýdanynyń 9-synyp oqýshysy Dana Shaımerdenova, Krasnyı Iаr eldi mekenindegi №1 orta mekteptiń 9-synyp oqýshysy Kenjebek Dálelhan jáne Kókshetaý qalasyndaǵy №12 orta mektep oqýshysy Toqtar Baǵram úshinshi orynnan tabyldy. Endi oblystyq kezeńniń jeńimpazdary ústimizdegi jyldyń 21-22 qyrkúıeginde Túrkistan qalasynda ótetin respýblıkalyq baıqaýǵa qatysatyn bolady.
Asqar Turapbaıuly,
«Egemen Qazaqstan».
Aqmola oblysy.