Elimizdiń atynan barǵan Qallekı teatry «Shıe» komedııasyn K.Tınchýrın atyndaǵy Tatar memlekettik drama jáne komedııa teatrynda maýsymnyń 6-sy kúni sahnalady. «Shıege» mamandar qandaı baǵa berdi degenge kelsek, reseılik synshy Andreı Pronın: «Shıe» spektakliniń rejısseri − Sergeı Potapov. Onyń aty-jóni búginde brendke aınalǵan. Spektaklde bizdi astanalyq teatr trýppasynyń kásibıligi qýantty. Rejısserdiń sheshimderi saýatty, jarqyn, talantty túrde oryndaldy. Ranevskaıa sekildi basty keıipkerdiń jastyǵy, ádemiligi, tartymdylyǵy ǵalamat. Ásirese, bas keıipkerdiń fınaldaǵy oıyny jaqsy áser qaldyrdy. Aktrısa kári áıeldiń obrazynda shyǵyp, ózindik kontrast jasaı aldy, – degendi aıtsa, S.Amýtbaev atyndaǵy Tatar drama teatrynyń rejısseri Damır Samerhanov komedııa arqyly túrki mádenıeti men orys mádenıetiniń baılanysyn kórgenin aıtady. «Bul mádenıetterdiń ereksheligi – dostasyp ta, keıde qaqtyǵysyp ta parallel ómir súre beredi», deıdi ol.
Spektakldiń rejısseri – Iаkýtııadan arnaıy shaqyrtylǵan tanymal teatr jáne kıno rejısseri, Iаkýtııanyń eńbek sińirgen óner qaıratkeri, Reseıdiń ulttyq teatrlarynyń arasynda ótetin «Altyn maska» syılyǵynyń ıegeri Sergeı Potapov. Spektakldiń bas sýretshisi – Berik Býrbaev. Kıim úlgisiniń sýretshisi – Qazaqstannyń eńbek sińirgen qaıratkeri, dızaıner, etnolog – Haným Aıdash.
Rejısserdiń sheshimi boıynsha L.Ranevskaıa beınesin Shıe esimimen teatrdyń jas aktrısasy, «Zolotoı Vıtıaz 2015» Halyqaralyq teatr festıvaliniń altyn dıplom ıegeri Aqmaral Tanabaeva somdaıdy. Sondaı-aq, spektaklde búginde kórermenniń ystyq yqylasyna bólenip júrgen teatr ártisteri K.Nurlanov, Q.Qystyqbaev, N.О́teýilov, S.Qashqabaev, A.Aımaǵambet, D.Álimov, Sh.Ordabaev, A.Ybraeva, A.Serkebaeva, J.Ysqaqova óner kórsetedi.
Aıgúl SEIILOVA, «Egemen Qazaqstan»