2017 jyly álem boıynsha toqpen júretin kólikter sany byltyrǵymen salystyrǵanda 60%-ǵa kóbeıip, 2 mln-ǵa jetti, dep habarlaıdy Anadoly agenttigi.
Agenttiktiń málimetinshe, álem boıynsha kóliktiń bul túriniń keńinen taraı bastaýy memleketterdiń osy baǵyttaǵy qolǵa alǵan saıasattaryna tikeleı baılanysty. Sonymen qatar, energetıka naryǵyndaǵy ahýal da avtokólik shyǵaratyn kompanııalardyń osy baǵyttaǵy jumystaryn kúsheıtýine túrtki bolǵan.
Aldyn ala boljamdarǵa súıensek, 2020 jyly elektrkólikterdiń sany 20 mln, al 2025 jylǵa deıin 70 mln-ǵa deıin ulǵaımaq.
О́tken jyly toqpen júretin kólikter Qytaıda eń kóp satyldy. Bir jyl ishinde Qytaıda 336 myń kólik satylsa, AQSh-ta 159 myń kólik satyldy. Al úshinshi oryndaǵy Norvegııada 50 myńnan astam elektrkólik satylǵan.