EXPO-2017 halyqaralyq kórmesiniń saltanatty ashylý rásiminde sóz sóılegen Qazaqstan Prezıdenti N.Nazarbaev:
EXPO – ǵylymı jańalyq qana emes, barlyq elder men órkenıetterdi jalǵaıtyn altyn kópir. Osydan 166 jyl buryn ótken tuńǵysh kórmeden beri bul shara udaıy jańa ıdeıalar besigi bolyp kele jatyr. Atap aıtqanda, alǵashqy telefon, atkólik, kompıýter, jer serigi men atom elektr stansasy sekildi jańalyqtardyń barlyǵynyń tusaýy osyndaı EKSPO-larda kesilgen bolatyn. Sol ıgi úrdisti jalǵastyrǵan Astana álemdik ınnovasııalar ortalyǵynyń biri retinde tanylady dep senemin, – dedi.
Esterińizge sala keteıik, «EKSPO-2017» kórmesiniń búgingi resmı ashylý saltanatyna 17 memlekettiń basshysy men arnaıy ókilderi keldi. Elbasy sóz sóılep, halyqaralyq kórmeni ashyq dep jarııalady. Kórmege álemniń 100-den astam eli qatysýda. Onyń syrtynda 20-dan astam halyqaralyq uıym bul kórmeden óz ornyn belgiledi. 10 maýsymnan 10 qyrkúıekke deıin jalǵasatyn kórmege 2,5 mln kórermen keledi dep boljanýda.
Arnur ASQAR, "Egemen Qazaqstan"
Sýretti túsirgen
Erlan OMAROV, "Egemen Qazaqstan"