Búgin elimizdiń basym bóliginde atmosferalyq fronttardyń ótýine baılanysty aýa raıy qubylmaly bolady. Keı óńirlerde jańbyr men naızaǵaı kútiledi, ekpindi jel soǵady, ońtústikte shańdy daýyl turyp, burshaq jaýýy múmkin, al batysta jaýyn-shashynsyz ótedi. Bul týraly «Qazgıdromet» RMK habarlady.
Jambyl, Ońtústik Qazaqstan oblystarynyń keı jerlerinde tańerteń jáne kúndiz 15-20 m/s-pen soqqan jeldiń ekpini 23-28 m/s kúsheıedi, burshaq jaýýy múmkin.
Aqmola, Soltústik Qazaqstan, Qaraǵandy, Shyǵys Qazaqstan oblystarynyń keı aýmaqtarynda jel 15-20 m/s kúsheıip, burshaq bolýy yqtımal.
Pavlodar oblysynda, kúndiz Almaty oblysynyń keı jerlerinde jeldiń jyldamdyǵy 15-22 m/s artady.
Qyzylorda oblysynyń keı jerlerinde 15-20 m/s ekpindi jelge shańdy daýyl qosylady, kúndiz burshaq túsýi múmkin.
Qostanaı oblysynyń keı jerlerinde tuman bolyp, jeldiń jyldamdyǵy 15-20 m/s jetedi.
Kúndiz Qyzylorda, Ońtústik Qazaqstan, Shyǵys Qazaqstan, Qaraǵandy, Jambyl oblystarynyń keı jerlerinde joǵary órt qaýpi kútiledi.