Parlament Senaty depýtattyǵyna kandıdattardyń biri toby Mamlıýt aýdanynda bolyp, aýdandyq máslıhat depýtattarymen kezdesý ótkizdi.
Halyq qalaýlylary aldynda aımaqtyń burynǵy basshysy Erik Sultanov óz baǵdarlamasy jaıly jan-jaqty baıandap berdi. Erik Hamzaulynyń memlekettik organdardyń basqarý salasyndaǵy tájirıbesi mol. О́ńirge jetekshilik etken úsh jyldyń bederinde kóptegen jumystar atqarylǵan.
Úmitkerler «Soltústik» áleýmettik-óndiristik kompanııanyń dırektory Esjan Orazalın, oblystyq jer ınspeksııasy basqarmasynyń basshysy Meıram Meńdibaeva da saılaýaldy baǵdarlamalarymen bólisti.
Saılaýshylar jol jóndeý, turǵyn úı, mektep, balabaqsha salý, shaǵyn eldi mekender máselelerine qatysty problemalardy ortaǵa saldy. Iri agroqurylymnyń dırektory Erkebulan Mámbetov memleket tarapynan jeńildetilgen sýbsıdııa jaıy jolǵa qoıylǵanymen, qysqa merzimge ǵana beriletinin, bulaı qarjylandyrý aýylsharýashylyq salasy úshin tıimsiz ekenin jetkizdi.
Parlament Senaty depýtattyǵyna kandıdattar tolǵaqty máseleleler baqylaýǵa alynatynyna sendirdi.
О́mir Esqalı, «Egemen Qazaqstan»