Shaǵymdanýshy túr-túsin sıpattap bergen alaıaq áıeldiń eldi qanqaqsatqan oqıǵasy osymen bitpeıdi eken. Talaılar tapadaı tal túste aqshalarynan aıyrylyp, aqyly aıran bolyp júrgenge uqsaıdy.
Polıseıler kúdikti áıeldi qolǵa túsirdi. Buryn alaıaqtyǵymen sotty bolǵan 1986 jylǵy áıel Arys qalasynyń turǵyny bolyp shyqty. Polıseılerdiń tergeýinde málim bolǵandaı, alaıaq aldyn ala «jumysqa ornalastyramyn» dep ár jerge qulaqtandyrýlar ilip ketedi eken.
Ońtústikte halyq kóp. Halyq kóp bolǵan jerde jumyssyzdyq bolýy da zańdy. Jumysqa ornalastyratyn adamǵa qomaqty syılyǵyń bolǵanymen tanys kezige bermeıdi. Al, mynaý izdegenge suraǵan. Qýanǵannan álgi qulaqtandyrýdaǵy telefon shalyp, quryǵyna ózderi baryp túse bergen. Talaıdy aldap soǵyp, murty maılanǵan alaıaqtyń ústinen qylmystyq is qozǵaldy. Qazir tergeý amaldary júrip jatyr.
Baqtııar TAIJAN,
«Egemen Qazaqstan»
Ońtústik Qazaqstan oblysy