Kezdesý barysynda Memleket basshysy N.Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» Joldaýy aıasynda Qazaqstanda ekonomıkanyń jańa modelin engizý máseleleri ortaq áńgimege negiz boldy. Taraptar ekonomıkany yryqtandyrý, bıznes pen agrarlyq sektordy damytý, eńbek ónimdiligin arttyrý, ár jobanyń ekonomıkalyq tıimdiligi turǵysynan bilim berý jáne densaýlyq saqtaý salalaryn jetildirý boıynsha birlesken jobalardy iske asyrý barysyn talqylady. Sondaı-aq, B.Saǵyntaev pen S.Mıýller 2018 jylǵa josparlanǵan ınfraqurylymdyq jobalardy jáne 2020-2022 jyldarǵa arnalǵan yntymaqtastyq josparlaryn talqylady. Áńgime barysynda elimizdiń tranzıttik áleýeti máselesine erekshe mańyz berildi. S. Mıýller Qazaqstannyń geografııalyq ornalasqan jeriniń tıimdi ekenine nazar aýdara otyryp, elimizdiń tranzıttik ótkizý qabiletin arttyrý qyzmet kórsetý salasyna, qazaqstandyq taýarlardy ótkizýge jáne jańa jumys oryndarynyń ashylýyna septigin tıgizetinin atap ótti.
Úkimettiń baspasóz qyzmeti habarlaǵandaı, Premer-Mınıstr Baqytjan Saǵyntaev Dúnıejúzilik banktiń Eýropa jáne Ortalyq Azııa óńiri boıynsha vıse-prezıdenti Sırıl Mıýllermen kezdesý ótkizdi.