Belgili bolǵandaı, qulaǵan zymyran bólshekteri dala órtiniń bastalýyna sebep bolǵan.
«14 maýsym kúni saǵat 18.04 te Qaraǵandy oblysy TJD órt sóndirý jáne apatty qutqarý qyzmeti №2 otrıadynyń Ortalyq órt baılanysy beketine Jezqazǵan qalasynyń tótenshe jaǵdaılar boıynsha Basqarmasynan, Talap selosynan ońtústik-batys baǵytqa qaraı 20 shaqyrym jerde, «Baıqońyr» ǵarysh aılaǵynyń «Progress MS-06» júk kólik kemesiniń «Soıýz-2.1a» tasymaldaǵysh-zymyrany bólshekteriniń qulaýy saldarynan, qurǵaq shóptiń órtený jaǵdaıy oryn alǵan. О́rt bolyp jatqan jerde RF «Mashınostroenıe» ǴО́B» ÁО́K AQ №1 Bazasynyń 5 tehnıkasy jumys istep jatyr, taǵy 3 tehnıka qosymsha shaqyryldy, kómek kerek emes» - dep habarlaıdy QR TJM TJK resmı ókili Rýslan Imanqulov.
Sonymen qatar, 14 maýsym kúni saǵat 19.25 te oblystyń TJD órt sóndirý jáne apatty qutqarý qyzmeti №2 otrıadynyń Ortalyq órt baılanysy beketine Talap selosynyń turǵynynan Jezqazǵan qalasynan 40 shaqyrym jerde, Jezqazǵan-Qyzylorda jolynyń aýmaǵynda dala órtenip jatyr degen habar kelip túsken. Ol jaqqa О́rt sóndirý qyzmetiniń kezekshi aýysymy kúshteri men quraldaryn jiberý týraly sheshim qabyldandy.
Atalmysh orynǵa jedel jetken órt sóndirýshilerdiń habarlaýynsha, Talap selosynan 16 shaqyrym jerde, Jezqazǵan – Qyzylorda jolynyń ońtústik baǵytynda 15 shaqyrym aýmaqtaǵy en dala órtenip jatyr, jol boıyn qalyń tútin jaılaǵan, aýmaǵy áli belgisiz. Odan ári órt sóndirý boıynsha kúshter men quraldardy josparly kúsheıtý jumystary júrgizildi.
R.Imanqulovtyń habarlaýynsha, órt nátıjesinde kúıik shalý saldarynan 53 jastaǵy er adam qaıtys bolǵan. 1968 jyly týǵan taǵy bir azamatty aýrýhanaǵa jetkizgen. Qazir tasymaldaǵysh-zymyrandardyń bólshekterin jınaý boıynsha jumystar júrgizilip jatyr.
О́rt sóndirýge taǵy 61 adam men 22 tehnıka tartylǵan, onyń ishinde Qaraǵandy oblysynyń TJD órt sóndirý jáne apatty qutqarý qyzmeti, QR TJM TJK «О́rt sóndirýshi» AQ, jergilikti atqarýshy organdar, RF «Mashınostroenıe» ǴО́B» ÁО́K AQ №1 Bazasynyń kúshteri men quraldary jumyldyrylǵan.
Saǵat 1.20 da órt aýyzdyqtaldy. 3.31 de órt tolyq sóndirildi.
«Belgili áleýmettik jelilerdegi zymyrannyń qulaǵan bóliginde geptıl tektes zııandy zattardyń bar ekendigi jaıly habarlamalardyń jalǵan aqparat ekendigin habarlaımyz» - dep atap ótti R.Imanqulov.
Mıras Asan,
«Egemen Qazaqstan»
Jezqazǵan