«Zerde» holdıngimen birigip jasaǵan jumystar úshin seriktesterimizge alǵys bildiremin. Premer-Mınıstr Baqytjan Saǵyntaevtyń AQSh-qa saparynan keıin, Qazaqstanda Kremnıı alqaby buryshyn daıyndaý týraly tikeleı tapsyrma aldyq. El ekonomıkasyn sıfrlandyrý máselesi biz úshin óte mańyzdy. Memleket basshysy Nursultan Nazarbaevtyń «Sıfrly Qazaqstan» memlekettik baǵdarlamasyn qabyldaý týraly tapsyrma bergendigin bilesizder. Osy tapsyrmalar aıasynda búgin Kremnıı alqaby buryshyn tanystyrdyq», – dedi D. Abaev. «Zerde» holdınginiń basqarma tóraıymy Ásel Jıenbaevanyń aıtýynsha, bul – úzdik tehnologııalardy zertteý jáne Qazaqstannyń sıfrly ekonomıka men tehnologııalyq jańǵyrtýǵa bet alysyn kórsetý alańy. Qazaqstandaǵy Kremnıı alqaby buryshynyń negizgi mindeti ekonomıkany sıfrlandyrý boıynsha «Zerde» seriktesteriniń jańa sheshimderin jáne shet memleketterde, ekonomıkanyń túrli salalarynda qoldanylatyn tájirıbelerdi tanystyrý bolady. Taǵy bir aıta keterligi, EKSPO kórmesinen keıin de Kremnıı alqaby buryshy óz jumysyn jalǵastyrady jáne onyń alańynda álemdik aýqymdaǵy túrli startaptar tanystyrylady. Aıta keteıik, 2017 jyldyń sáýirinde QR Premer-Mınıstri Baqytjan Saǵyntaev QR Prezıdenti N.Nazarbaevtyń tapsyrmasy boıynsha AQSh-qa jumys saparymen bardy. Munda álemdik ınnovasııalyq kóshbasshylar qataryndaǵy kompanııa ókilderimen kezdesýler ótkizip, Qazaqstan ekonomıkasynyń úshinshi jańǵyrtylýy aıasynda birlesken yntymaqtastyq múmkindikterin talqylady jáne Kremnıı alqabynda Qazaqstan О́kildigin ashý týraly kelisimge qol qoıdy.
Aqparat jáne kommýnıkasııalar mınıstri Dáýren Abaev keshe EKSPO-2017 aýmaǵynda «Kremnıı alqaby» buryshyn ashty. Bul joba QR Premer-Mınıstri Baqytjan Saǵyntaevtyń tapsyrmasyna sáıkes «Zerde» ulttyq ınfokommýnıkasııa holdıngi» AQ Qazaqstanda Kremnıı alqabynyń ókildigin ashý týraly kelisim aıasynda Cisco, SAP, Oracle, Mastercard kompanııalarymen yntymaqtastyqta júzege asyp otyr.