BUU qorynyń arnaıy keńesshisi Serj Martın maǵan bylaı dedi: «Qazaqstanda adam kórip-bilmegen rýhanı qýat bar. Sizderdiń elderińiz Eýrazııa sýbqurlyǵynyń asa mańyzdy jáne asa kórnekti rýhanı, sondaı-aq, saıası kúshine aınalyp otyr. Qazaqstan búginde barshamyzdyń basymyzdy qosatyn ortalyq ispetti. Munda, árıne, Prezıdentterińiz N.Nazarbaevtyń eńbegi orasan zor. Men Qazaqstanǵa Astanany taǵy bir márte kórip, qazaq halqynyń júrek jylýyn seziný, izgilikti is-áreketterden qýat alý jáne Kóshbasshylaryńyzdyń sózin tyńdaý úshin keldim». Men muny nege esime alyp otyrmyn. О́ıtkeni, meımandardyń Qazaqstanmen alǵashqy kezdesýi endi qarapaıym qalany rýhanı tartylystyń qasıetti nysanyna aınaldyra bilgen adamnyń atyn ıelengen áýejaıda júzege asatyn bolady. Ár memlekettiń aldynda halyqtardyń basyn biriktiretin mindetterdi tabý men nyǵaıtý máselesi turady. Men úshin bul biregeılik dep atalatyn rýhanı qýat kúshi ekeni kúmánsiz. N.Nazarbaev qazaqstandyq biregeılikti qalyptastyrýdyń laıyqty úlgisi bolyp tabylady. Al onyń atynyń halyqaralyq áýejaıǵa berilýi – halqymyz ben qoǵamymyz birliginiń joǵary nyshany. Bul, túptep kelgende, bizdiń biregeıligimizdiń forposty, ujymdyq «Menimiz». Anatolıı BAShMAKOV, Qazaqstan halqy Assambleıasy Keńesiniń múshesi, L.N.Gýmılev atyndaǵy EUÝ-diń kafedra meńgerýshisi, ekonomıka ǵylymdarynyń doktory
H Astana ekonomıkalyq forýmyna qatysýshylarmen kezdesýim kezinde men elimizdiń qonaqjaılylyǵy úshin shynaıy alǵys sózderdi kóp estidim. Al qonaqtardyń alǵashqy qadamy elimizdiń áýe qaqpasy – halyqaralyq áýejaıdan bastalatyny belgili.