– Quryltaıdyń saltanatty ashylýymen qatar, aýa raıy da tamasha tamyljyp tur. Aı dıdarly Astanaǵa qarap qazaq qaýymynyń jańa dáýirin kórip turǵan sııaqtymyn. Til, mádenıet, saıasat, ekonomıka, t.b. barlyq sala boıynsha Qazaqstan Ortalyq Azııadaǵy kóshbasshy elge aınaldy. Tipti, sońǵy jyldary ǵalamdyq kúrdeli máselelerdi sheshý jolynda Qazaqstan Prezıdenti Nursultan Nazarbaevtyń jekeleı bet-bedeli yqpal etýde. Osyǵan qarap sizderdiń basshylaryńyz bir ǵana memleketti basqarý sheginen asyp, halyqaralyq mańyzdy sheshimderdiń kúrdeli túıinin tarqatýǵa shamasy jetkenin aıtýǵa tıispiz. Sonyń biri – qazirgi ótip jatqan EKSPO-2017 mamandandyrylǵan halyqaralyq kórmesi men búgingi álem qazaqtarynyń basyn qosyp ótkizip jatqan quryltaı isi. Mońǵol jurty atynan quryltaı qonaqtaryn quttyqtaımyn. Dagva Sahılgaan, Álem mońǵoldary kongresiniń tóraǵasy