Polıeseılerdi merekelerimen oblystyq ishki ister departamentiniń bastyǵy, polısııa general-maıory Marat Qojaev quttyqtap, aldaǵy ýaqttya da óńirdegi qoǵamdyq tártipti saqtaýǵa bar kúsh-jigerin salatynyna senim bildirdi.
Jıynnan soń polıeseılerdiń kásibı merekelerine arnalyp, Estaı atyndaǵy mádenıet saraıynda konsert ótti. О́ńirdiń 300-ge jýyq polısııa qyzmetkeri men quqyq qorǵaý salasynyń ardageri marapattaldy.
Polısııa qyzmeti qashan da jaýapty. Elimizde qolǵa alynǵan qoǵamdyq jáne jol qaýipsizdigin qamtamasyz etý maqsatynda «Ámbebap polıseı» jobasy 2012 jyly qanat qaqty joba negizde oblysymyzda júzege asyryla bastady. Jol jáne patrýldik polısııa qyzmeti birikti. Merekege arnalǵan jıyn barysynda aıtylǵandaı, Memleket basshysynyń «100 naqty qadam» – Ult josparyn júzege asyrý maqsatynda ótken jyly jergilikti polısııa qyzmeti quryldy. Bıylǵy 5 aıdyń ishinde óńirde quqyqbuzýshylyq deńgeıi 23,7 paıyzǵa azaıdy. Aýyr jáne asa aýyr qylmys 27,1 paıyzǵa tómendedi. Tártip saqshylary júrgizgen prafılaktıkalyq sharalar qoǵamdyq oryndardaǵy quqyqbuzýshylyqty 25,7 paıyzǵa, kóshedegi tártipsizdikti 20 paıyzǵa azaıtýǵa múmkindik berdi. Polıseılerdiń qyzmeti nátıjesinde bıyl 2201 qylmystyń beti ashyldy. Oblys ortalyǵynda jedel basqarý ortalyǵy jumys jasaıdy. Qala ishinde ornalasqan beınebaqylaý kameralarynyń barlyq jedel aqparattary osy ortalyqta qaralady. Sondaı-aq 3 kóshe qıylysynda jol qozǵalysyn baqylaıtyn «Integra – KDD» ıntellektýaldy júıesi ornatylǵan. Beınebaqylaý kómegimen jolda 1592 quqyq buzýshylyq oqıǵasy anyqtalypty. Nátıjesinde júrgizýshilerge 31 mıllıon teńgege jýyq aıyppul salyndy.
Oblysta elimizde tuńǵysh ret «Zero Tolerance» pılottyq jobasy qolǵa alyndy. Joba usaq quqyqbuzýshylyqqa jol bermeý maqsatynda oblys ákimdiginiń qoldaýymen júzege asyrylǵan. Qala turǵyndary «Zero Tolerance» mobıldi qosymshasy arqyly quqyq qorǵaý organdarmen baılanysqa shyǵa alady. Mobıldi qosymsha qosylǵaly beri ishki ister departamentine turǵyndar tarapynan 106 habarlama kelip túsken.
Farıda Byqaı, «Egemen Qazaqstan» Pavlodar oblysy