Jańadan qurylǵan kooperatıvterdiń tynys-tirishligimen tanysý maqsatynda arnaıy baspasóz týry uıymdastyrylyp, onda BAQ ókilderi Qazyǵurt aýdanyndaǵy «Hanshaıym» kooperatıvine bardy. Seriktestik mal bordaqylap, onyń etin ótkizýmen aınalysady. Seksenge jýyq múshesi bar kooperatıvte búginde 1000-nan astam iri qara bordaqylanýda. Sonymen qatar, onyń menshiginde 50 basqa arnalǵan mal soıý beketi men arnaıy qoımalar qarastyrylǵan.
Memleketten jeńildetilgen nesıe alý isi qoljetimdi bola túskenin aıtqan kooperatıv tóraǵasy Syrym Ertaev daıyn ónimdi ótkizýde kedergiler joıylyp, etti eksporttaýǵa múmkindik molaıǵanyn atap ótti.
Onyń aıtýynsha, búginde mal etin ótkizý úshin elimizdiń ózge aımaqtarynan bólek, О́zbekstan jáne Aýǵanstanmen kelissózder júrgizilýde. Sonymen qatar, kooperatıv músheleri memleket tarapynan beriletin sýbsıdııa men jeńildetilgen nesıeler alý úshin qujattar daıyndaý ústinde.
«Hanshaıym» koopertıvine múshelikke engenderdiń biri Jeńis Slambaev. Jeke sharýa úıiniń aýlasynda 40-qa jýyq iri qarany bordaqylaýda. Buryn etti ótkizý jaıy ájepteýir oılandyratyn bolsa, koopearatıvke kirgeli beri bul iske bas qatyrmaıtyn boldyq deıdi. Oǵan qosa memleket tarapynan buqanyń ár basyna 20 myń teńge sýbsıdııa alamyz. Keleshekte kooperatıv atynan 6 paıyzben nesıe alyp, mal basyn 100-ge deıin jetkizsem degen maqsatym bar, - deıdi S.Ertaev.
Budan keıin BAQ ókilderi Sharaphana aýylyndaǵy «Qaratas» aýyl sharýashylyǵy kooperatıvinde boldy. Atalǵan seriktestik sút ónidirýmen aınalysady. Jyldyń basynda qurylǵan kooperatıvke búginde 86 sharýa múshe. Ujymnyń qaramaǵynda 700-ge jýyq iri qara bolsa, onyń 150 basy saýyn sıyrlar. Kooperatıv táýligine 1,2 tonna sút óndiredi. Serkitestiktiń 30 múshesi jýyrda «Aýyl sharýashlyǵyn qarjylaý qoldaý qory» arqyly 130 mln teńge kóleminde jeńildetilgen nesıege qol jetkizgen. Atalǵan qarjyǵa saýyn sıyrlar satyp alynýda. Iаǵnı ónim kóleminiń artýyna baılanysty kooperatıv syıymdylyǵy 2 tonnalyq sút saqtaıtyn tanker alýdy josparlap otyr. Shyǵynnyń 50 paıyzyn memleket ótep beredi. Demek, keleshekte seriktestik táýligine 3 tonnaǵa deıin sút óndirmek.
Jalpy, 2021 jylǵa deıin OQO-da 90 myńǵa jýyq jeke sharýa qojalyqtaryn biriktirentin 600-den astam kooperatıv qurylady dep josparlanýda.