«Qoǵamdyq keńistik aımaqtaryn damytý boıynsha jasap jatqandarymyzdyń barlyǵyn Place making (qoǵamdyq jaıly oryndardy qurý) prınsıpi boıynsha qurýdamyz. Kóptegen turǵyndar úshin sýda serýendeýdiń bıylǵy maýsymy ınnovasııalyq elektro-katamarandarmen este qalmaq, onymen kez kelgen adam qydyra alady», - dep jazdy Turlybek.
Onyń aıtýynsha, demalýshylar 8 adamǵa arnalǵan zamanaýı katamarandardyń qoljetimdi baǵasy men jaılylyǵyna oń baǵalaryn berip úlgerdi.
«Esil jaǵasynda óte jaıly taǵy bir qoǵamdyq keńistik alańy paıda boldy. Jas kásipker Janbolat Maratov osy ýaqytqa deıin bos bolyp kelgen jáne kóptegen demalýshylardyń nazaryna ilikpegen jerden Toffee Waffle - kóshe dámhanasyn ashýdy usyndy. Búginde elorda turǵyndary men qonaqtary úshin bıik 30 oryndyq ornalastyryldy. Endi, bul jerde dámdi taǵamdardan aýyz tıip, dostarmen kezdesip qana qoımaı, Esildiń ásem kelbeti men keshki fontan-shoýyn tamashalaýǵa bolady», - dedi A.Turlybek.