Bul jaǵdaı marqumnyń týma-týysqandary tarapynan túsinbestik týǵyzdy. Olar bul máselege baılanysty týysqanynyń aǵza músheleri bireýlerge satylyp ketken joq pa eken degen kúdik keldirdi. Transplantasııaǵa qatysty el-jurt arasynda alypqashpa áńgimeniń taralýyna sebepker bolǵan jáıtke baılanysty transplantasııa boıynsha elimizdegi úılestirý ortalyǵynyń dırektory Jaqsylyq Dosqalıev pen Aqtóbe oblystyq densaýlyq saqtaý basqarmasynyń basshysy Áset Qalıev egemen.kz tıisti túsinikter berdi. Olardyń málimdeýinshe adamnyń mıy jumys isteýin toqtatqannan keıin QR-nyń «Halyq densaýly jáne densaýlyq saqtaý júıesi týraly» Kodeksiniń tıisti baptary men tarmaqtary zań júzinde ruqsat beredi. Tek bul úshin ómirden ótip ketken adam: buǵan qarsymyn dep aldyn ala aryz jazyp ketpese bolǵany. Bulaı bolmaǵan jaǵdaıda hırýrg-dárigerler baqılyq bolǵan kisiniń týma-týysqandarynan ruqsat suramaı-aq dene múshelerin ala beredi, - dedi brıfıngte túsinik berýshiler.
Atap aıtqanda Jaqsylyq Dosqalıev, bul burynnan bar tájirıbe ekenin alǵa tartyp, alypqashpa áńgime túsindirý jumystarynyń kemshiliginen bolǵanyn aıtyp berdi. Munyń bári tıisti zań aıasynda júzege asty dep túıin jasady ol. Solaı bola tursa da ómirden ótken aǵaıynyn donor etý arqyly tiri jandarǵa ota jasaǵan dárigerler bul jaǵdaı týraly bizge habarlap eskertpegeni qalaı degen marqumnyń týma-týysqandarynyń ýáji de oryndy dep bilemiz.
Temir Qusaıyn