Májilis Tóraǵasy Nurlan Nyǵmatýlın Reseı Federasııasy Federaldyq Jınalysy Federasııa Keńesi Tóraǵasynyń orynbasary, Qazaqstan Parlamenti Senaty depýtattaryn saılaý barysyn baıqaýǵa qatysqan TMD PAA baıqaýshylar tobynyń úılestirýshisi Ilıas Ýmahanovpen kezdesti, dep habarlady Májilistiń baspasóz qyzmeti.
TMD PAA ókilderine óz alǵysyn jetkize kelip, N.Nyǵmatýlın bizdiń elimizdiń halyqaralyq standarttarǵa sáıkes ashyq, jarııaly, ádil saılaý ótkizýge aıryqsha mán beretinine toqtaldy. О́z kezeginde I.Ýmahanov: «Eldiń joǵary zań organynyń saılaý naýqany mańyzdy saıası oqıǵa. Onyń ústine Qazaqstan Prezıdenti Nursultan Nazarbaev usynǵan saıası reformadan keıin Parlamenttiń ókileti artýyna baılanysty bul saıası naýqannyń ózektiligi burynǵydan arta tústi», dedi. Taraptar sondaı-aq, Qazaqstan men Reseı qarym-qatynasyna qatysty mańyzdy máseleler boıynsha pikir almasty. Parlamentaralyq yntymaqtastyqty nyǵaıtýǵa da basa nazar aýdaryldy.