«Serbııa – halyqaralyq arenadaǵy Qazaqstannyń senimdi dosy. Biz osy dostyqty baǵalaı otyryp, eki eldiń yntymaqtastyǵyn nyǵaıtýǵa kúsh salamyz. Serbııanyń ulttyq kúni mádenı qarym-qatynastarymyzdy kúsheıtedi dep senemin», dedi jıynda Ulttyq ekonomıka vıse-mınıstri Ernar Bakenov.
Serbııa elshisi Vladımır Matıch ózderiniń pavılony bolashaqtyń energııasyna úńilýge múmkindik beretinin jetkizdi. Ulttyq pavılon tórt tabıǵı element arqyly qýat kózderiniń sony jetistikterin pash etedi. «Bolashaqtyń energııasy» – EKSPO-2017 kórmesiniń taqyryby – rasynda, búgingi álem úshin óte ózekti. Bul shara energetıka salasyndaǵy ınnovasııalyq tehnologııanyń ortalyǵyna aınalatynyna senemin. Serbııa pavılony kópshilikke dástúrli elementter – sý, aýa, jer jáne ot múmkindikterimen jarqyn bolashaq jasalatynyna kóz jetkizedi», dedi Vladımır Matıch.
Baǵdarlamanyń ekinshi bóliminde Serbııa týraly fılm kórsetildi. Sondaı-aq, sol eldiń tabıǵı kórkin pash etken týyndynyń tusaýy kesilip, Serbııanyń týrıstik uıymdarynyń ókilderi sóz sóıledi. Jıynǵa qatysýshylar 2008 jyly «Evrovıdenıe» baıqaýynda eliniń namysyn qorǵap, «Oro» ánimen altynshy oryn ıelengen Elena Tomashevıch pen vıolonchelde oınaǵan Elena Mıhaılovıchtiń ónerin tamashalady. Sonymen qatar, «Ivo Lola Rıbar» akademııalyq mádenı-shyǵarmashylyq birlestik ulttyq bılerin oryndady.
Ashat Raıqul, «Egemen Qazaqstan»