2017 jyldyń 29 maýsymynda Qazaqstan Respýblıkasy Ortalyq saılaý komıssııasy otyrys barysynda 2017 jyldyń 28 maýsymynda bolǵan QR Parlamenti Senatynyń depýtattaryn saılaý qorytyndylary belgili boldy.
Saılaý Qazaqstan Respýblıkasy Prezıdentiniń 2017 jylǵy 28 sáýirdegi Jarlyǵyna, QR Konstıtýsııasyna jáne "Qazaqstan Respýblıkasyndaǵy saılaý týraly" Konstıtýsııalyq zańyna sáıkes júrgizildi. Ár oblystan, Astana men Almaty qalalarynan bir depýtattan barlyǵy 16 depýtat saılandy.
"Qazaqstan Respýblıkasy Ortalyq saılaý komıssııasy oblystyq, Astana men Almaty qalalyq saılaý komıssııalarynyń saılaý boıynsha daýystardy sanaýdyń qorytyndy hattamalary negizinde Qazaqstan Respýblıkasynyń 14 oblysynda, Astana men Almaty qalalarynda QR Parlamenti Senatynyń depýtattaryn saılaý ótti", - dep habarlady OSK.
Saılaý naýqany barysynda barlyǵy 89 úmitker usynylsa, sonyń 38-i saılaý bıýlletenine engizildi. Saılaýǵa 3242 tańdaýshy qatysty. QR Parlamenti Senatynyń depýtattaryn saılaý barysynda 518 halyqaralyq jáne otandyq baıqaýshy, 244 qazaqstandyq jáne sheteldik BAQ ókili qatysty. Saılanǵan depýtattardyń 7-in máslıhattar usynsa, 9-y ózin ózi usynýshylar.
QR Parlamenti Senatynyń depýtattyǵyna úmitkerlerdiń ortasha jasy 56,7 jas. Sonymen, Qazaqstan Respýblıkasy Senatynyń depýtattaryn saılaý qorytyndysy boıynsha saılanǵandardyń tizimi tómendegishe: Aqmola oblysynan Ádilbekov Dáýren Zekenuly, Aqtóbe oblysynan Jumaǵazıev Muhtar Sabyruly, Almaty oblysynan Qylyshbaev Nurlan Naýryzuly, Atyraý oblysynan Dúısembaev Ǵumar Islıamuly, Batys Qazaqstan oblysynan Tóreǵalıev Narıman, Jambyl oblysynan Nurálıev Ábdáli Toqbergenuly, Qaraǵandy oblysynan Ábdikerov Rysqalı, Qostanaı oblysynan Nurǵalıev Jeńis Mırasuly, Qyzylorda oblysynan Baqtııaruly Murat, Mańǵystaý oblysynan Shelpekov Baqtybaı Aqberdiuly, Ońtústik Qazaqstan oblysynan Qurtaev Álimjan Seıitjanuly, Pavlodar oblysynan Nursıpatov Nurjan Nurlanbekuly, Soltústik Qazaqstan oblysynan Sultanov Erik Hamzauly, Shyǵys Qazaqstan oblysynan Mýsın Dúısenǵazy Maǵaýııauly, Astana qalasynan Mamytbekov Edil Qulamqadyruly, Almaty qalasynan Júketaeva Dınar Júsipáliqyzy saılandy.
Baýyrjan Muqanov,
"Egemen Qazaqstan"