Astanada Kenesary kóshesi 30 maýsymnan 12 shilde aralyǵynda jabylady, dep habarlandy elordalyq ákimdiktiń resmı saıtynda.
Astanalyq kólik joldary basqarmasynyń habarlandyrýy boıynsha, kólik joldarynda jóndeý jumystaryn ótkizý aıasynda Kenesary kóshesi, M. Ǵabdýllın kóshesinen A. Pýshkın kóshesine deıin ýchaskede jol qozǵalysyna ýaqytsha shekteý qoıylady.
Osyǵan baılanysty aǵymdaǵy jyly 30 maýsymnan 12 shildege deıin joǵaryda kórsetilgen ýchaskelerde jol qozǵalysyna shekteý qoıylady, kólikterdiń júrýine ruqsat etilmeıdi. Elorda turǵyndary men qonaqtaryna qala joldarynda keptelis jaǵdaılaryna tap bolmas úshin júrý marshrýttaryn aldyn ala josparlap alýǵa keńes beriledi.