Asqar Mamın aldymen Quryq parom portynyń qurylys jumystarymen tanysty.
Bir aıta keterligi, atalǵan keshenniń birinshi kezeńi 2016 jyldyń jeltoqsan aıynda iske qosylyp, júk vagondaryn táýlik boıy paromǵa tasýǵa múmkindik beretin temir joldy qosqanda 44 obekt paıdalanýǵa berildi.
Port kommersııalyq qyzmetti 2017 jyldyń basynan bastap, búginge deıin 400 myń tonnadan astam júk tasymaldandy. Jyl sońyna deıin bul kórsetkishti 1 mln tonnaǵa jetkizý josparlanýda.
Memleket basshysynyń «Qazaqstannyń Úshinshi jańǵyrýy: básekege qabilettilik» atty Joldaýynda Quryq avtokólik dáliziniń ekinshi kezeń qurylysynyń mańyzdy ekendigi aıtylǵan.
Jańa paromdaǵy ótkel júkterdiń mýltımodeldi tasymalyna múmkindik beredi. Sol arqyly júk tranzıti artyp, Qaspıı arqyly eksport potensııaaly da ulǵaıady dep kútilýde.
Quryq parom keshenin paıdalanýǵa berý Qazaqstannyń teńiz jolyn arttyryp, Transkaspıı halyqaralyq kólik marshrýtynyń múmkindikterin arttyrady.
Sonymen qatar Asqar Mamın oblystaǵy respýblıkalyq mańyzy bar avtokólik joldarynyń jóndeýden ótý jobalaryn júzege asyrý barysymen tanysty.
Búgingi tańda Mańǵystaý oblysynda Aqtaý-Shetpe (167 km), Shetpe – Saı-О́tes (60 km) sekildi basqa da avtojol jobalary júzege asyrylýda. Sondaı-aq Beıneý-Aqjigit-О́zbekstan shekarasyna deıingi 85 km jol qaıta jóndeýden ótý jumystary bastaldy. Sonymen qatar bıyl kúzde Jetibaı-Jańaózen avtojoly jóndeýden ótkizilmek.
Asqar Mamın atalǵan jobalardy júzege asyrý barysymen tanysyp, avtomagıstraldar jumysyn az ýaqytta aıaqtaýdy tapsyrdy.