«О́ndiristik maqsattaǵy úzdik taýar» atalymynda birinshi orynǵa «Sever-Montaj Avtomatıka» JShS-i laıyq dep tanyldy. Kásiporyn baspanalar men ofıstik ǵımarattar salýǵa arnalǵan «Aqyldy úı» baǵdarlamasyn kóp jyldan beri sátti júzege asyryp keledi. Ekinshi, úshinshi oryndardy Kırov atyndaǵy zaýyt pen «ZMO» JShS-i bólisti.
«Halyqqa arnalǵan úzdik taýar» atalymy boıynsha jeńistiń eń bıik tuǵyryna «Soltustik Rubber Recycling» seriktestigi kóterildi. Onyń dırektory Igor Mashkovsevtyń aıtýynsha, kólikterdiń jaramsyz shınalaryn qaldyqsyz óńdeıtin óńrdegi biregeı óndiris orny óz ónimderin ishki naryqpen qatar Reseıge de jóneltedi.
«ViZaVi Company» JShS osymen ekinshi ret «Úzdik azyq-túlik ónimderi» atalamy boıynsha jeńimpaz atandy. Ol óndiretin kondıterlik taǵamdar úlken suranysqa ıe. Ekinshi oryndy ıelengen jeke kásipker Iýrıı Pılıpýshko ara sharýashylyǵymen aınalysyp, baldyń 12 túrin shyǵarady.
Konkýrsqa barlyǵy 43 kásiporyn men jeke kásipker qatysýǵa ótinish bildirgen.
О́mir Esqalı,
«Egemen Qazaqstan».
Soltústik Qazaqstan oblysy