Zeınetaqy men járdemaqy ósti

Elbasynyń tapsyrmasy­na baılanysty zeı­net­aqy­nyń kezeń boıynsha bir­te-birte kóterilip kele jat­qa­ny qýantady. Bıylǵy qań­­tar aıynda ynt­ymaqty zeı­­netaqy 9 paıyzǵa ós­ken bolsa, sonymen birge, ba­za­lyq zeı­­netaqy mólsheri de 7 paı­yzǵa kó­te­ril­gen edi. En­di 1 shildeden bas­tap ta­ǵy 13 paı­yzǵa ósti. So­ny­men qa­zaq­­stan­­dyq­­tardyń zeı­net­aqy kólemi qazir 20 paı­­yzǵa ar­typ otyr. Qazir respýblıkadaǵy eń tómengi zeınetaqy – 45 711 teńge. О́tken jyly bul kórsetkish 37 789 teńge bol­ǵan edi. Al 2018 jyldyń 1 qańtarynda eń tó­men­gi kún­kóris shegi 16 paıyzǵa art­­paq. Bul múgedektigi já­ne asyraý­shy­­sy­nan aı­y­rylǵan jaǵdaıda tóle­ne­­­­tin jár­demaqylardyń já­­ne bazalyq zeı­net­aqy mól­sheriniń ósýine de yqpal ete­­tin bolady. Qazaqstanda zeı­net­aqy­nyń ortasha kólemi jyl ót­ken saıyn artyp ke­le­di. Máselen, 2016 jyly onyń mólsheri 55 117 teńge bol­ǵan edi, qazir 66 676 teń­ge­ge jetti. Eńbek jáne ha­lyq­ty áleýmettik qorǵaý mınıstrliginiń má­limetine qa­raǵanda, zeınetaqy kó­lemi bir­te-birte óse beredi. 2018 jyl­dyń 1 shildesinde zeı­netaqy t­ó­lemderi 45 paı­yzǵa artyp, onyń orta­sha mólsheri 80 991 teńgege je­tedi de­gen boljam bar. Taǵy bir jaǵymdy jańa­lyq – kelesi jyldyń 1 shil­desinen bastap bazalyq zeı­netaqy taǵaı­yndaý ádisi tú­begeıli óz­geretin bolady. Ja­ńa tásilge saı zeı­netaqy ár adamnyń osy júıe­ge qa­tysý ótiline baılanysty taǵaı­yn­dal­maq. Eńbek jáne halyqty áleý­mettik qorǵaý mınıstr­li­­giniń aqparatyna qara­ǵan­­da, 2018 jyldyń 1 shil­de­sinen bastap eli­miz­de zeı­net­aqynyń orta­sha mól­sh­eri ba­zalyq zeı­net­aqy­­ny qosa eseptegende aı­tar­­lyqtaı ósedi. Bul kór­set­kish 2016 jylmen sa­lys­ty­r­ǵanda 45 paıyzǵa artady degen jospar bar. Memleket ana men balaǵa da erekshe qamqorlyq jasap otyr. Osy shildeden bas­­tap bala týýyna baılanys­ty bir­jolǵy jár­dem­aqy mólsheri 20 paıyzǵa ulǵaıyp, birinshi, ekinshi jáne úshinshi balaǵa tó­lenetin járdemaqy 38 aı­lyq eseptik kórsetkishke ne­mese 86 222 teńgege jetti.Al, tórtinshi jáne odan keı­in­gi balalarǵa beriletin jár­dem­aqy 63 aılyq eseptik kór­setkishti nemese 142 947 teńgeni qurap otyr. Áleýmettik salada ha­lyq­­tyń ıgi­ligi úshin ja­sa­­lyp jat­qan osyndaı oń óz­ge­rister al­daǵy ýa­qytta da jal­­ǵa­sa ber­mek. Eń­bek jáne halyqty áleý­met­tik qorǵaý mınıstri Tamara Dúı­­se­no­vanyń aıtýynsha, 2020 jylǵa qa­raı zeınetaqymen qam­tamasyz etýdiń ja­ńa úl­gisi tolyq qalyptasyp bitedi, odan ári ony damytý ǵana júzege asady. De­mek, mem­leket zeı­net­­kerler­ge qamqorlyq ja­saý­dy esh ýa­qytta naz­ar­dan tys qal­dyr­maıdy degen sóz. Ana­­­lar men balalarǵa da mem­le­­kettiń sha­ra­­paty men sha­pa­ǵa­ty jalǵasa beretin bo­lady. Qazaqstanda bala týý sońǵy jyldary 20 paıyzǵa ósken eken. 1 shildeden bastap kóbeıgen járdemaqy aldaǵy ýaqytta eldiń demografııasyna da oń áser etedi degen úmit bar.

Ǵalym OMARHAN, «Egemen Qazaqstan»