Mundaı kompanııalar qaryz berýshi men alýshynyń arasyndaǵy dáneker ispetti. Olardyń qyzmetin QR Ulttyq banki baqylaıdy.
Banktiń oblystaǵy bólimshesin basqaratyn Aınur Kósherbaevanyń aıtýynsha, 38 kollektorlyq kompanııa banktermen birlesip jumys bastaǵan.
«Kollektorlyq kompanııa qyzmetkerlerine boryshkerlerdiń quqyqtary men erkindikterine qol suǵatyn jáne ómirine, densaýlyǵyna, múlkine qaýip tóndiretin zańsyz is-qımyldar jasaýyna tyıym salynady. Sondaı-aq, is-qımyldy tirkeýsiz júrgizgen, banktiń qupııa málimetteri men qujattaryn urlap, paraǵa satyp alyp, qorqytyp alý arqyly alǵan, jarııalaǵan jaǵdaıda 3 myń aılyq eseptik kórsetkish kóleminde aıyppul salynady nemese úsh jylǵa deıin bas bostandyǵynan aıyrylady. Al kollektorlyq agenttikterdiń paıdaly tusy – retteý prosesi júrip jatqan ýaqytta bank boryshkerge ústeme paıyz qospaıdy», – deıdi QR Ulttyq banki Atyraý oblystyq bólimshesiniń basshysy Aınur Kósherbaeva.
Baqytgúl BABASh, «Egemen Qazaqstan» ATYRAÝ