Ol alǵash ret halyqaralyq kórmege 1970 jyly Japonııanyń Osaka qalasyna barǵan. Sodan beri osy sharaǵa barýdy ádetke aınaldyrǵan. Ájeı Japonııanyń Aıtı, Qytaıdyń Shanhaı, ońtústikkoreıalyq Iosý men ıtalııalyq Mılandaǵy kórmelerdi tamashalapty. О́ziniń aıtýynsha, álem elderindegi EKSPO kórmeleri kezinde jahandyq máseleler jaıynda kóp málimet alyp, densaýlyǵyn da nyǵaıtqan eken. «Alǵash ret EKSPO kórmesine Osaka qalasyna barǵanymda úlken áser aldym. Kelesi kórmelerge de baratyn boldym. Sondaı saparlarymnyń nátıjesinde densaýlyǵymnyń nyǵaıǵanyn baıqadym. Sondyqtan saıahatymdy jalǵastyrýdy sheshtim. Shanhaıdaǵy halyqaralyq kórmeden soń kópshilik meni «EKSPO-áje» dep atap ketti», deıdi T.Iаmadý. Osy ýaqytqa deıin kórme ótken jeti memlekette bolǵan qonaq Qazaqstan pavılondaryn mindetti túrde aralaıtyndyǵyn aıtady. «Italııanyń Mılan qalasynda ótken kórme kezinde qazaqtyń ulttyq kıimderin kórip, mýzykasyna tánti boldym. Ǵajaıyp áýender, tamasha aspaptar. Al Astanadaǵy EKSPO-da maǵan «Nur Álem» pavılony qatty unady. Shardyń árbir qabatynda túrli tańǵajaıyp nárse bar. Adam úırenetin jańalyqtar kóp. Astananyń óte qonaqjaı qala ekenine kózim jetti», deıdi «EKSPO-áje» aǵynan jarylyp. Taǵy aıta keterligi, keshe seksen jastaǵy Tomııo Iаmadýdy «Astana EKSPO-2017» ulttyq kompanııasynyń basshysy Ahmetjan Esimov qabyldady.
Toptamany ázirlegen Ashat RAIQUL,
Sýretterdi túsirgender Erlan Omarov, Orynbaı Balmurat,
«Egemen Qazaqstan»