Memleket basshysy elordamyzdyń sımvolyna aınalǵan, qaıta jóndeýden ótken «Báıterek» monýmentinde boldy.
Kúrdeli jóndeýden soń ǵımarattyń ishki keıpi ózgergen. Atap aıtqanda, monýmenttiń kúmbezi men baǵanasyna jylýdy saqtaýǵa ári oǵan jumsalatyn shyǵyndy azaıtýǵa múmkindik beretin energııa únemdegish jańa shynypaketter ornatylǵan. Monýmenttiń holyna úlken LED-ekran qoıyldy.
Sondaı-aq, Qazaqstan Prezıdenti «Nurjol» býlvarynda ashyq aspan astynda ótip jatqan jyl saıynǵy halyqaralyq ASTANA ART FEST mádenı festıvalindegi ekspozısııalarmen tanysty.
Festıvalda Qazaqstan, Reseı, Fransııa, Ýkraına, Ispanııa, AQSh, Germanııa, Armenııa, Japonııa jáne О́zbekstan elderinen kelgen 60-tan astam avtordyń týyndylary kópshilik nazaryna usynylady.
Sonymen qatar, Nursultan Nazarbaev Kenesary hanǵa arnalǵan eskertkishtiń janynda ornalasqan «Arbat» jaıaý júrginshi jolymen júrip ótti. Onda Memleket basshysy Qazaqstan qolónershileri teriden, kıizden, saz balshyqtan jáne aǵashtan jasaǵan biregeı buıymdardy kórip, kóshe mýzykanttarynyń ónerin tamashalady.
Osy jerde elordadaǵy «Saryarqa» aýdanynyń ákimi Memleket basshysyn aýdan ınfraqurylymyn odan ári damytý josparymen tanystyrdy.
Qazaqstan Prezıdenti elorda turǵyndarymen jáne qonaqtarymen áńgimelesti, sondaı-aq barsha jurtty kele jatqan Astana kúnimen quttyqtap, olarǵa zor densaýlyq pen baq-bereke tiledi.
Sońynda Nursultan Nazarbaev Esil ózeniniń jaǵasynda lazerlik shoýdy tamashalady.