Dáýlet Bolatulyn taǵatsyzdana kútken kýrsanttar balýanǵa laıyqty qurmet kórsetip, zor qoshemetpen qarsy aldy. Mártebeli meımandardy akademııa bastyǵynyń orynbasary, polkovnık S.Bısekeev tanystyrdy.
Dáýlet Bolatuly jas shekarashylarǵa sport álemine qalaı kelgeni jaıly keńinen áńgimelep, aǵalyq aqyl-keńesterin aıtty. Sportta da, memlekettik jáne qoǵamdyq qyzmette de aıtýly jetistikterge jetken qaıratker azamat kishkentaıynan-aq sport dese ishken asyn jerge qoıatynyn, mektep qabyrǵasynda júrgende-aq kúreske degen qulshynysy kúshti bolǵandyǵyn, mektep jáne aýdanaralyq jarystarǵa qatysyp, júldeli oryndarǵa qol jetkizgendigin aıtty. Sondaı-aq kezdesýde sportshynyń boz kilemdegi óneri jaıly beınefılm kórsetilip, shekarashy kýrsanttar kókeıdegi saýaldaryna tushymdy jaýap aldy. Jıynda balýannyń serikteri D.Turlyqanov jaıly birqatar kitaptardy shekarashylarǵa tartý etse, shekarashylar da kesh qonaqtaryna ǵasyrǵa jýyq tarıhy bar akademııa jaıly jınaq pen 85 jyldyq mereıtoıǵa arnalǵan arnaıy tósbelgi syılady.
Aıta ketken lázim, kezdesýge qazaqstandyq fýtbol ardageri Mıhaıl Gýrman, Qazaqstannyń halyq ártisi Naǵıma Esqalıeva, Jambyl atyndaǵy memlekettik fılarmonııanyń dırektory Jeńis Seıdýllauly jáne belgili ánshiler Medeý Arynbaev pen Beıbit Qorǵan qatysyp, ásem ánnen shashý shashty.
Janat Jabyrbekov,
QR UQK Shekara qyzmeti akademııasynyń
baspasóz hatshysy