Búgin Pavlodar qalasynda «Jańartylǵan Konstıtýsııa – turaqty damýdyń negizi» taqyrybynda sarapshylar forýmy ótti, dep habarlaıdy Egemen.kz.
Is-sharanyń maqsaty – jańartylǵan Konstıtýsııa erejelerin jan-jaqty saraptamalyq talqylaý, ony praktıkalyq turǵyda iske asyrý boıynsha kásibı usynystar ázirleý jáne konstıtýsııalyq reformalardy qoldaýǵa baǵyttalǵan sarapshylar qaýymdastyǵynyń ortaq ustanymyn qalyptastyrý.
Forým aıasynda saıasat, memlekettik basqarý jáne bilim berý salalarynyń mamandary, partııa ókilderi men ǵylymı qaýymdastyq ókilderi sóz sóıledi. Qatysýshylar konstıtýsııalyq reformalardyń eldiń uzaq merzimdi damýyna yqpaly, qoǵamdyq-saıası úderisterdegi róli jáne konstıtýsııalyq normalardy tıimdi qoldaný tetikterin talqylady.
«Aýyl» partııasy Ortalyq apparaty basshysynyń orynbasary Nurhat Orash óz sózinde jańa Konstıtýsııa jobasy eldiń uzaq merzimdi damý baǵdarlaryn aıqyndaıtyn strategııalyq qujat ekenin atap ótti. Ol usynylyp otyrǵan ózgerister qoǵamnyń ádildikke degen suranysyn, bılik jaýapkershiligin arttyrýdy jáne memlekettiń quqyqtyq negizderin nyǵaıtýdy kórsetetinin, sondaı-aq zamanaýı ári turaqty saıası júıeni qalyptastyrýǵa baǵyttalǵanyn jetkizdi.
«Usynylyp otyrǵan reformalar eń aldymen halyq múddesin qorǵaýǵa, bılik tarmaqtary arasyndaǵy tepe-teńdikti saqtaýǵa jáne jergilikti ózin-ózi basqarýdyń rólin kúsheıtýge baǵyttalǵan. Sonymen qatar olar eldiń ornyqty áleýmettik-ekonomıkalyq damýyna berik quqyqtyq negiz qalyptastyryp, azamattardyń memlekettik ınstıtýttarǵa degen senimin nyǵaıtýǵa jáne neǵurlym jaýapty ári ashyq basqarý modelin ornyqtyrýǵa múmkindik beredi», dedi N. Orash.
Parlament Májilisindegi «Aýyl» partııasy fraksııasy apparatynyń jetekshisi Jazıra Sultanqulova «Aýyl» partııasy jańa Konstıtýsııa jobasyn tolyq ári sózsiz qoldaıtynyn, ony eldiń saıası jáne qoǵamdyq damýy jolyndaǵy asa mańyzdy qadam retinde qarastyratynyn atap ótti.
«Elimizdiń jańa Negizgi zańynyń jobasy azamattardan, saıası partııalardan, qoǵamdyq uıymdardan jáne jetekshi sarapshylardan túsken usynystardy jan-jaqty taldaý negizinde, sondaı-aq ashyq qoǵamdyq talqylaýlardyń nátıjeleri men jańa normalar men erejelerdi egjeı-tegjeıli pysyqtaýdy eskere otyryp ázirlendi», dedi J. Sultanqulova.
Toraıǵyrov ýnıversıtetiniń Strategııalyq damý, halyqaralyq yntymaqtastyq jáne sıfrlandyrý jónindegi Basqarma múshesi – prorektor Saltanat Aýbakırova akademııalyq orta úshin quqyqtyq jańǵyrýmen qatar jastardyń zańǵa qurmetin jáne azamattyq jaýapkershiligin qalyptastyrýdyń mańyzy zor ekenin aıtty. Onyń pikirinshe, jańartylǵan konstıtýsııalyq baǵdarlar joǵary oqý oryndaryndaǵy bilim berý jáne aǵartýshylyq jumysty kúsheıtýge, eldiń jas býynyn jasampazdyq qundylyqtarǵa baǵyttaýǵa múmkindik beredi.
Volonterlik qaýymdastyq jańa Konstıtýsııa jobasyn qoldaıtynyn málimdedi
Saıasattanýshy Borıs Polomarchýk usynylyp otyrǵan ózgerister saıası júıeniń evolıýsııalyq damýyn kórsetetinin jáne bılik ınstıtýttarynyń ashyqtyǵyn arttyrýǵa, qoǵamnyń sheshim qabyldaý úderisterine qatysý aıasyn keńeıtýge baǵyttalǵanyn jetkizdi. Ol mundaı qadamdar memleket pen qoǵam arasyndaǵy senimdi nyǵaıtýǵa yqpal etetinin atap ótti.
Erqanat Kópjasaruly: Jańa Konstıtýsııada erkindik pen jaýapkershilik bir arnaǵa toǵysady
Sarapshy-saıasattanýshy Elaman Elemes jańartylǵan partııalyq júıege kóshý men Parlamenttiń jańa qurylymy eldiń saıası mádenıetin jańa deńgeıge kóteretinin aıtty. Sonymen qatar Negizgi zańǵa ózgeristerdi tek jalpyhalyqtyq referendým arqyly engizý normasy memlekettiń turaqtylyǵynyń eń joǵary kepili ekeni erekshe ataldy.
Baıandamalardan keıin kásibı pikir almasýǵa jáne usynystar ázirleýge baǵyttalǵan saraptamalyq talqylaý sessııasy ótti.
Kezdesý qorytyndysy boıynsha qatysýshylar biraýyzdan jańa Konstıtýsııa – qaýipsiz, taza ári ádiletti memleket qurýdyń berik irgetasyn qalaıtyn strategııalyq tańdaý degen tujyrymǵa keldi.
Jańa Konstıtýsııa mátinin Braıl qarpimen jazý usynyldy
Sarapshylar forýmy mazmundy usynystar ázirleýge, kásibı dıalogty damytýǵa jáne memlekettiń ornyqty damý baǵytyn qoldaýdy nyǵaıtýǵa yqpal etken mańyzdy alańǵa aınaldy.