Mereıtoılyq jyldyń jaýapkershiligi

Keshe Aqordada Memlekettik hatshy Qanat Saýda­baev­tyń tóraǵalyq etýimen Qa­zaq­stan Respýblıkasy Táýel­siz­diginiń 20 jyldyq mereı­toı­ly jylyn ótkizý jónin­de­gi Memlekettik komıssııanyń kezekti otyrysy bolyp ótti. Onyń jumysyna Prezıdent Ákimshiliginiń jaýapty qyzmet­kerleri, Úkimet músheleri, memlekettik organdar, saıası partııalar men qoǵamdyq uıymdardyń ókil­deri qatysty. Qazaqstan Respýblıkasy Táý­el­sizdiginiń 20 jyldyq mereı­toı­ly jylyn búkilhalyqtyq kóte­rińki yntamen, merekelik kó­ńil-kúımen ótkizý qajettigin El­ba­sy Nursultan Nazarbaev jyl­dyń basynda atap kórsetken edi. 2011 jylǵy Joldaýynda da ol Táýelsizdiktiń 20 jyldyǵyn merekeleý máselesine erekshe nazar aýdarǵan bolatyn. Al 2011 jyl­dyń 28 qańtarynda bolǵan me­reı­toıdy ótkizý jónindegi Memlekettik komıssııanyń alǵashqy otyrysynda Prezıdent: «Táýel­siz­dik – bul bizdiń basty baı­ly­ǵymyz, baǵa jetkizgisiz jetistigimiz. Jas eldiń tarıhyndaǵy jańa dáýir shyntýaıtynda óziniń bas­taýyn Táýelsizdikten alady. Son­dyqtan Táýelsizdik mereıtoıy aıryqsha mánge ıe. Bizdiń aldy­myz­da bul jyldy joǵary uıym­dastyrý jáne ıdeologııalyq deń­geı­de ótkizý mindeti tur», degen edi. Prezıdenttiń tapsyrmasyna oraı Táýelsizdiktiń 20 jyl­dy­ǵyn ótkizý jónindegi tujy­rym­dama men is-sharalar jospary belgilengen bolatyn. Jyl boıy osy sharalar iske asyrylyp keledi. Sonyń ishinde «Nur Otan» HDP, Qazaqstannyń azamattyq alıansy jelileri boıynsha on­da­ǵan aksııalar ótkizildi. Ásirese, «Nur Otan» HDP belsendiligi bıyl arta túsýi kerek degen maqsat alǵa tartylyp, «Meniń tabysym – Otanymnyń tabysy», «Eldik úshin, el úshin», «El qazynasy» jáne t.b. aksııalar ótkizý uıǵarylǵan. Sonyń ishinde partııanyń «Jas Otan» jastar qanatynyń belsendiligimen «Erlik dańqy óshpeıdi», «Dıplommen – aýylǵa», «Táýelsizdik qurdas­ta­ry» jáne t.b. iri sharalar ótkizý josparlanǵan edi. Jalpy, mereı­toılyq jyldy «Beıbitshilik pen jasampazdyqtyń 20 jyly» atty uranmen ótkizý belgilengen. Sonymen birge, mereıtoıly jyldyń sharalaryn ótkizýge aza­mattyq qoǵam ınstıtýttary keńi­nen tartyldy. Olardyń qaty­sýy­men elimizdiń barlyq óńir­le­rin qamtyǵan is-sharalar qaras­ty­rylǵan edi. Qazir olardyń bári uıymshyldyqpen iske asyrylýda. Ásirese, «Aýyldyń gúldenýi – Qazaqstannyń gúldenýi» aksııasy halyqtyń zor yntaly qoldaýyna ıe boldy. Budan basqa da 30-ǵa jýyq mádenı-kópshilik is-shara­lar­dy ótkizý kózdelgen. Keshegi otyrysta Memlekettik hatshy Qanat Saýdabaev osy is-shara­lardyń oryndalý barysy jóninde qysqasha habarlama ja­sa­dy. Toǵyz aı boıyna elimizde qy­rýar jumystar atqaryldy. As­tanada jáne barlyq óńirlerde myńnan astam is-sharalar men túrli deńgeıdegi jumystar jú­ze­ge asty. Bulardy ótkizýde jastar, ǵylym jáne sharýashylyq ókilde­ri, ekono­mıkanyń ónerká­sip jáne aýyl sharýashylyǵy sek­torlary, úkimet­tik emes uı­ym­dar men qoǵamdyq qozǵa­lys­tar belsendilikpen atsa­lys­ty. Bir sózben aıt­qanda, merekeli jylǵa arnalǵan is-sharalar jal­py­halyqtyq sıpat aldy, dedi Memlekettik hatshy. Odan ári Qanat Bekmyrzauly Qazaqstan­nyń qol jetkizgen iri tabys­ta­ry­nyń qaınar kózi Prezıdent Nur­sultan Nazar­baev­tyń áleýmettik-ekonomıkalyq jáne mádenı-gý­manıtarlyq sala­lar­­daǵy dana da kóregen basshyly­ǵy­nyń arqasy ekendigi jasalǵan is-sharalar ba­rysynda aıqyn kó­rin­genin tilge tıek etti. Mereı­toı­lyq jyldyń óne boıynda eli­mizdiń barlyq óńirlerindegi otan­dastary­myz­­dyń hal-ahýalynyń jaqsa­rýy­na, turmys sapasynyń artýyna bar­lyq jaǵdaılar jasal­dy, dedi ol. Komıssııa otyrysynda mereı­toı­lyq is-sharalar josparynyń 9 aıdaǵy oryndalý barysy tyń­dalyp, talqylandy. Sonymen qa­tar, josparda qarastyrylǵan qal­ǵan is-sharalardy jyl aıaǵyna deıin uıymshyldyqpen ári maz­mundy­lyq­pen ótkizý úshin naqty tapsyr­malar berildi. Otyrysty qorytyndylaı kele, Qanat Saýdabaev komıssııa múshe­lerin ótkiziletin is-shara­lar­dyń belsendilik qarqynyn tómendet­peýge jáne jel­toq­san aıynda Elba­synyń qatysýy­men ótetin eń basty merekelik sha­ra­nyń mazmundy, jarqyn jáne jara­sym­dy bolýyna úles qosýǵa shaqyrdy. Jaqsybaı SAMRAT.