Belgili qoǵam qaıratkeri Nurlan Imam TikTok jelisindegi tikeleı efır barysynda Qazaqstannyń jańa Konstıtýsııasy jobasynyń tóńireginde qoǵamnyń toptasýy qajet ekenin málimdedi, dep habarlaıdy Egemen.kz.
Ol bul pikirin qazirgi saıası ózgerister men aldaǵy referendýmnyń mańyzy týraly jazylýshylardyń suraqtaryna jaýap berý kezinde bildirdi.
Nurlan Imam eń aldymen negizgi zań jobasyn ázirlep, halyqqa túsindirip jatqan mamandar men otanshyl azamattarǵa senim bildirý qajettigin atap ótti.
«Jalpy, osy ózgeristerdi halyqtyń aldyna alyp shyǵyp, aıtyp jatqan azamattarymyz – eń birinshi bular bizdiń memleketimizdiń azamattary, jarandary. Elimizdiń keleshegin, bolashaǵyn oılaǵan eleýli azamattar jáne sonyń mamandary dep esepteımin», dedi ol.
Onyń aıtýynsha, zań jobasyn ázirleýshilerdiń maqsaty – eldiń derbestigin saqtaý jáne halyqtyń múddesin qorǵaý.
«Bizge qıanat oılap, bizdi aldap, bireýdiń ıeligine, bireýdiń menshigine, bireýdiń qolynyń astyna táýeldi qylyp bergisi kelmeıtin arly, ojdandy, namysty, bolashaǵyn oılaǵan
Memleket basshysynan bastap barlyǵy sondaı azamattar dep esepteımin», dep atap ótti Nurlan Imam.
Referendýmǵa arnalǵan resmı saıt iske qosyldy
Sondaı-aq ol árbir azamattyń referendýmǵa qatysýynyń mańyzdylyǵyna toqtalyp, memleket halyqtyń pikirin eskeretinin aıtty.
«Sondyqtan da osy jaǵdaıdy qabyldap, barshamyz bir aýyzdan daýys berip, referendýmǵa qatysyp, elimizdiń qajettiligi, bolashaǵy, ýaıymymyzdy ashyq bildirgen kezde, Memleket basshysynyń ózi oǵan zerdeleı qarap, aıtylǵan sózdermen sanasýdy tabystaǵanyn jaqsy bilesizder. Demek, bul – biz úshin, bolashaǵymyz úshin óte mańyzdy qadam», dedi qoǵam qaıratkeri.
Nurlan Imamnyń aıtýynsha, ózgerister kezeńinde el birligin saqtaý jáne arandatýshylardyń jetegine ermeý asa mańyzdy.
«Oıymyzdy erkin jetkizgen kezde, keı kezde arandatýshylarǵa, ortadaǵy irtki salýshylarǵa, paıda kórýshilerge, ıaǵnı provokator deımiz, ondaılarǵa ilespeýge shaqyramyn. Elimizge bir teri tambaǵan, bir tıyn salym salmaǵan azamattardyń, sóz sóılep, bir birimizge aıdap salyp jatqan aıdaǵyna erimeńizder», dedi ol.
Referendým álemdik BAQ nazarynda
Nurlan Imam qazaqstandyqtardy birlikke shaqyra otyryp, el amandyǵyn tiledi.
«Birlikti bolaıyq, tirlikti bolaıyq. Isimiz alǵa basyp, elimiz aman bolsyn, aǵaıyn!», dep túıindedi sózin Nurlan Imam.
Ortalyq referendým komıssııasynyń ÚNDEÝI