Yqpaldastyq damı túsedi

Keshe Memleket basshysy Nur­sultan Nazarbaev EýrAzEQ-­tyń Bas hatshysy Taıyr Mansurovty qabyldady, dep habarlady Qazaq­stan Res­pýb­lıkasy Prezıdentiniń bas­pa­sóz qyzmeti. T.Mansurov Memleket bas­shy­syna EýrAzEQ-tyń qyzmeti tý­ra­ly jáne Eýrazııalyq keńistiktegi ıntegrasııalyq úderisterdi damy­týdyń serpini jaıly habarlady. – Aǵymdaǵy jyldyń 1 shildesinen bastap barlyq kedendik resimdeýler men baqylaý Keden odaǵynyń sheka­ra­synyń syrtqy kontýryna aýys­ty­ryldy. Múlde jańa keskin úılesimi paıda bolýda. Mundaı jaǵdaıda bıznes qo­ǵam­dastyǵy óz bıznesterin qalaı qamtamasyz etetini týraly, óz­de­riniń tıimdilikteri men erekshelikteri týraly tolyq habardar bolýlary úshin Máskeý men Al­ma­tyda eki iri bıznes-forým ót­kiz­dik. Eger Máskeýdegi bıznes-forým úsh memleket – Belarýs, Qazaqstan jáne Reseı ókilderiniń qatysýymen ótse, al Almatyǵa biz EýrAzEQ-tyń barlyq elderiniń bıznes qoǵamdastyǵyn jı­nadyq. Men Prezıdentke 19 qazanda Sankt-Peterbýrgte EýrAzEQ-tyń úki­met basshylarynyń oty­ry­sy ótetini týraly baıandadym. Sondaı-aq Keden odaǵynyń jo­ǵary organynyń otyrysy ótedi, onda Biryńǵaı ekonomıkalyq ke­ńistikti odan ári damytý jónin­degi 8 halyqaralyq shart qara­lyp, maqul­da­na­tyn bolady. О́t­ken jyly memleket basshylary men úkimet basshylary ta­rapy­nan 17 qujat qabyldandy, 2011 jyl boıyna úsh tarap jaqtan ratı­fı­kasııalandy, endi bul qujattar 2012 jyldyń 1 qań­ta­rynan kúshine enedi. Tıisti sheshimdi memleket basshylary 19 jeltoqsanda Keden odaǵynyń jo­ǵa­ry organynyń kezekti oty­ry­synda qa­byldaıdy, bul Bir­yń­ǵaı ekonomıkalyq keńistiktiń qyz­metiniń bastalýy bolyp ta­by­lady. Biryńǵaı ekonomıkalyq ke­ńistiktiń tolyq jumys isteýi jáne taýarlar, qyzmetter, kapıtal men eńbektiń erkin qozǵa­ly­syn qamtamasyz etýi úshin bizge áli de 5 jyldaı ýaqyt kerek. 2011 jyldan 2015 jylǵa deıin biz Biryńǵaı ekonomıkalyq ke­ńis­tiktiń jumysyn to­lyq qam­tamasyz etýge múmkindik beretin 55 halyqaralyq qujattar men óz­ge aktilerdi ázirlep, qabyl­daýy­myz kerek. Mysaly, 2012 jyl­dyń 1 qańtarynan bastap ár el men onyń úkimeti temir jol ta­sy­malynyń biryńǵaı tarıfi bolý úshin ózderine mindetteme alǵan. Qa­zir Reseı, Qazaqstan jáne Belarýs elderiniń árqaısysynda – ishki ta­sy­mal, eksport jáne ımport úshin – úsh tarıf bar. Olarda edáýir aıyrma­shy­lyq bar. Son­dyqtan 2012 jyldyń 1 qań­tarynan bastap ishki tasymal úshin jáne taýar óndirýshiler úshin qolaıly bolatyndaı, biryńǵaı tarıf bolady. Jalpy, EýrAzEQ-ty damytý serpini óte joǵary deńgeıde deýge bolady. EýrAzEQ 2000 jyly 10 qazanda Astanada quryldy, birneshe kúnnen keıin EýrAzEQ-tyń qurylǵanyna 11 jyl tolady, osy ýaqyt ishinde erkin saýda aımaǵy men Keden odaǵy quryldy. 2007 jyly Keden odaǵyn qurý týraly sheshim qa­byldandy, al 2011 jyly ol tolyq kúshinde jumys isteı bas­tady. Biryńǵaı keden aýmaǵy, keden kodeksi bar. Úsh eldiń Keden odaǵy jumys isteýi úshin qajetti nárseniń bárimen qamtamasyz ettik. Odan ary qaraı tek áleýetti arttyratyn bolamyz. Keden oda­ǵy boıynsha isterdi qarasty­ra­tyn EýrAzEQ-tyń soty quryl­dy. Biryńǵaı ekonomıkalyq ke­ńis­tikti qurýdyń qar­qy­nyna kelsek, mysaly, Eýropalyq Odaqta biryńǵaı rynokty qurý úderisi 1968 jyldan 1986 jylǵa deıin so­zyldy. Biz bolsaq, 2009 jyly 19 jel­toqsanda memleket bas­shy­lary sheshim qabyldaǵan soń, bir jyl boıy bazalyq qujattardy qalyptastyrdyq, olardy kelisimge jiberdik, qol qoıdyrdyq, al odan keıin 2011 jyl boıyna ratıfı­kasııaladyq. Eýropalyq odaqtyń aıaq­talý kezeńi 1986-1992 jylǵa deıin so­zyldy, biz aıaqtalý kezeńi taǵy 5 jylǵa so­zylady dep josparlap otyrmyz. Osy ýaqyt ishinde elderdiń úki­metteri taýarlar, qyzmetter men eńbektiń erkin qoz­ǵalysyn qam­ta­masyz etý úshin qajetti 70-ten astam mindettemeni oryn­daý­lary kerek. Qazaqstan Prezıdenti Nur­­sultan Nazarbaev Eýra­zııa­lyq joba­nyń avtory bolyp ta­by­lady, ol 1994 jyly 29 naý­ryzda Máskeýde, MMÝ-diń qa­byrǵasynda dezıntegrasııa shy­ńyna jetip otyrǵanda usyndy. Memleket bas­shysy usynǵan joba búginde júzege asyrylýda. Bul – Keden odaǵy, Biryń­ǵaı ekono­mıkalyq keńistik, jáne bola­shaq ıntegrasııa, biregeılendirý, va­lıý­­ta­lyq odaq qurý. Sondyqtan biz­diń EýrAzEQ jónindegi ju­mys­tarymyz kezdeısoqtyq emes, ol bárinen buryn, Qazaqstan Prezıdenti Nursultan Ábish­uly Nazarbaevtyń jobasy bolyp taby­lady. Bul joba birtindep iske asyry­lyp keledi, EýrAzEQ-qa múshe ár eldiń, Keden odaǵynyń damýyna múmkindik beretin halyqaralyq ıntegrasııaǵa qa­raı qadam basýda. 2011 jyldyń birinshi jartyjyldyǵynyń qorytyn­dysy boı­yn­sha Keden odaǵy el­deriniń taýar aı­nalymy 35 paıyzdan 45 paıyzǵa deıin artty. Bul úlken ıgilik, – dedi T.Man­su­rov jýrnalısterge arnalǵan brıfıngte. Sýretterdi túsirgender S.BONDARENKO, B.OTARBAEV.   *** Keshe Memleket basshysy Nursultan Nazarbaev «Qazaqstan temir joly» UK» AQ-tyń prezıdenti Asqar Mamındi qabyldady, dep habarlady Qazaqstan Respýblıkasy Prezıdentiniń baspasóz qyzmeti. A.Mamın Prezıdentke «Qazaqstan temir joly» AQ-tyń aǵymdaǵy qyzmeti jaı­ly jáne iri ınvestısııalyq joba­lar­dy iske asyrý barysy týraly habarlady. – Men Memleket basshysyna kom­panııa­nyń 9 aıdaǵy qyzmetiniń qory­tyn­dylary tý­raly baıandadym. Barlyq jospar artyǵymen oryndalýda. Negizgi óndiristik kórsetkishter asyra oryn­da­lýda. Bıylǵy jyly kom­pa­nııa­nyń taza paıdasy 90 mlrd. teńge mólsherinde bo­la­dy dep kútilýde. Birqatar iri ın­vestı­sııa­lyq jobalar iske asyrylýda. Bıylǵy jyly Táýelsizdiktiń 20 jyl­dyǵyna qaraı Qytaıǵa shyǵýǵa múm­kin­dik beretin «Jetigen-Qorǵas» temir jo­ly­nyń qurylysy aıaq­ta­lady, Túrki­men­stanmen shekaradaǵy О́zen temir joly ýchaskesiniń qurylysy aıaqtaldy. Bı­yl­ǵy jyly jeltoqsanda jolaýshylar va­gondary óndirisi jónindegi zaýyttyń qury­lysy aıaqtalady, ol Qazaqstannyń barlyq aýmaǵy boıynsha jyldamdyǵy joǵary jo­laý­shylar qozǵalysy baǵ­dar­la­masyn iske asyrýǵa múmkindik týǵy­za­dy. Marshrýttyq jáne ýchaskelik jyl­damdyqtar eki esege art­tyrylatyn bolady. 2008-2011 jyldar ara­ly­ǵynda kompanııa temir jol máshınelerin jasaý kólemin 10 ese arttyrdy, ıaǵnı 10-nan 100 mlrd.-qa jetkizdi. Bıylǵy jyly kompa­nııa­daǵy qazaqstandyq qamtý 83 paıyzdy quraıdy. Kompanııa korporatıvtik basqarý boıynsha ulttyq kompanııalar arasynda bir­qatar iri áleý­met­tik jobalardy júzege asy­rý­da kósh­bas­shy bolyp tabylady. Prezıdenttiń Jol­daýy aıasyndaǵy tapsyrmasyna sáı­kes, «Salamatty Qazaqstan» baǵdar­lamasy boı­yn­sha úshinshi poıyz iske qosyldy, – dedi A.Mamın jýrnalısterge arnalǵan brıfıngte.