Qazaqstan Respýblıkasynyń Prezıdenti Nursultan Nazarbaev Ortalyq jáne Shyǵys Eýropa men Ortalyq Azııa elderi úshin halyqaralyq assosıasııa prokýrorlarynyń 6-shy óńirlik konferensııasyna qatysýshylar men meımandaryna quttyqtaý joldady. Onda bylaı delingen:
«Qazaqstanda alǵash ret ótkizilip otyrǵan prokýratýra qyzmetkerleriniń forýmy 45 eldiń bas prokýratýralarynyń, halyqaralyq prokýror qaýymdastyǵynyń, asa iri halyqaralyq uıymdar, onyń ishinde BUU, EQYU, Eýropa zańgerleri jáne basqa uıymdardyń ókilderin jınady.
Sizderdiń bedeldi forýmdaryńyzdyń kún tártibine – bizdiń quqyq qorǵaý júıemiz úshin jáne Qazaqstannyń halyqaralyq áriptesteri úshin kókeıkesti máseleler engizilgen.
Olardyń arasynda qylmystyq-quqyqtyq zańgerlik salasynan tys prokýrordyń rólin joǵarylatýdy qamtamasyz etý, ulttyq prokýratýralardyń halyqaralyq yntymaqtastyǵyn nyǵaıtý bar».
Qazaqstan Prezıdenti óziniń quttyqtaýynda, sondaı-aq qazirgi álemniń jahandyq transformasııalaný kezeńin basynan ótkerip otyrǵanyn, ortaq synaqtarǵa tıimdi jaýaptar izdep jatqanyn, adamzat damýynyń jańa úlgisin izdestirý de osy qatarda turǵanyn atap kórsetedi. Búginde, deıdi Qazaqstan basshysy, memleketterdiń azamattardyń quqyqtary men bostandyǵyn qorǵaý isinde ózara is-qımylyn óristetý, kásipkerlik pen erkin básekelestikti qoldaý, jınaqtalǵan tájirıbelermen jáne aqparattarmen turaqty túrde almasyp otyrý, quqyq qorǵaý qyzmetiniń jańa pishinderin kúsh biriktire otyryp jasaý mańyzdy.
Bizdiń bárimiz úshin Qazaqstannyń elordasy – Astana óńirlik basqosý ótkizýdiń ornyna aınalyp otyrǵany qýanyshty. Mundaı iri sharalar qazirgi zamanǵy memleketter prokýratýralarynyń kúsh-jigerin jumyldyrý úshin, prokýrorlyq qyzmettiń halyqaralyq tanylǵan standarttaryn jasaý úshin úlken mańyzy bar.
Nursultan Nazarbaev quttyqtaýynyń sońynda máslıhat barysynda jasalǵan usynymdamalar is júzinde suranysqa ıe bolatynyna, birlesken qyzmettiń nátıjeliligin arttyratynyna jáne Eýrazııa qurlyǵyndaǵy elderdiń zańdylyǵyn nyǵaıtýǵa jáne quqyqtyń ústemdik quratynyna oń yqpal etetinine senim bildirgen.
«Sizderge syndarly jáne jemisti jumys tileımin!», dep qorytyndylaıdy Qazaqstan basshysy óziniń quttyqtaýyn.