Shekara qyraǵy kúzette

Besqaraǵaı aýdanynan 80 sha­qyrym jerde Sosnovka degen aýyl bar. Tabıǵattyń ózi moly­­nan syılaǵan kóne orman bel­de­ýiniń kúngeıi bizge tıesili de, teriskeıi – Reseıdiki. Boras aýyly­nan jıyrma shaqyrym uza­ǵan soń qalta telefony kórshi eldiń «Bılaın-roýmıngine» eriksiz kóshedi de, habarlasý qı­ynǵa soǵady eken. Bul jergilikti tur­ǵyn­darǵa bir­qatar qıyndyqtar týǵyzyp otyr. – Jaqyn arada «Bılaın» stansasy ju­mys isteı bastaǵan soń shekaramen shektes aýyldar erkin habarlasý múmkindigine ıe bol­maq. Al «Habar», «Qazaq­stan», «El arna» telearnalaryn jergilikti tur­ǵyndar tamashalap otyr. Tipti respýblıkalyq «Egemen Qazaqstan», oblystyq basylymdardy da oqyrmandar ýaqtyly alady, – dep Bes­qa­raǵaı aýdanynyń ákimi Qalıhan Baıǵonysov biraz jaılardan maǵlumat beredi. Qaraǵaıly shekara zastavasynyń 2034 áskerı bólimin podpolkovnık Qanat Bolathanov bas­qa­rady. Ol kisimen habarlasqanda óz mindetterine toqtala kelip, arly-berli ótip jatqan adamdardyń qujattaryn qatań tekseretini jaıly aıtqan edi. Al «Sol­tús­tik» aýmaqtyq basqarmasyna qarasty Bes­qa­raǵaı shekara komendanty Ánýar Qaıyrov biz kelgende issaparda júr eken. Sosnovka aýy­lyndaǵy Qaraǵaıly shekara zastava­sy­nyń bas­ty­ǵy, aǵa leıtenant Raýhat Tólegen qarsy alyp, óz­deri atqaratyn mindetterimen tanystyra bastady. – Bizdiń komendatýrada jıyrmaǵa tarta sarbaz qyzmet etedi. Barlyǵy isker azamattar, shekara qy­raǵy kúzette, ormandy órtten qorǵaý, bergi jaq­qa jat pıǵyldy adam­dar­dyń ótip ketpeýin qa­tań baqylaýǵa alamyz. Úsh memleket Keden Odaǵyna birikse de, shekaranyń óz zańy, talaby bar. Endeshe, bóg­delerdiń teris áreketterine tusaý sala­myz, – deıdi Raýhat Tólegen. Aýdan ákimi Qalıhan Baıǵonysov shek­ara­shy­lar­men emen-jarqyn áńgimelesip, Táý­elsiz Qazaq­stan­nyń 20 jylda qol jetken tabystaryna toq­ta­la ketti. – Qazir Qazaqstandy búkil álem biledi, ótken jyl EQYU-ǵa tóraǵalyq jasap, Sammıtti joǵary deńgeıde ótkizý, Qysqy Azııa oıyndarynda top jarý el erteńiniń jarqyn ekenin dáleldeıdi. Biz­diń memleket Qytaı, Reseımen shektesedi. Mine, son­dyqtan da sizder jaýapty mindetti atqa­ryp jatyrsyzdar, shekara qatań kúzette bolsa, adamdar alańsyz turmys quryp, eń­bek ete bermek, – dep aýdan ákimi sózin túı­indedi. Al Raýhat Tólegen ózderinde tehnı­ka-quraldarynyń jetkilikti ekenin tilge tıek etti. Shekarashylar qatań tártip boıynsha ju­mys isteıdi. Munda telefon qatynasy jaq­sy jolǵa qoı­ylǵan, gazet-jýrnaldar ýaqty­ly jetkizilip tu­rady. Turmysqa qajetti jaǵdaıdyń bári jasalǵan. *   *   * Sosnovka aýyldyq okrýginiń ákimi Ab­dýl­­hamıt Oralovpen áńgimelesip otyrmyz. Shal­­­­­­ǵaıda jat­qandyqtan, munda jýrnalıster at izin sırek salatyn tárizdi. Sondyqtan bolar, aýyl ákiminiń aıtary kóp eken, aǵynan jarylyp, biraz jaıdyń syryn aǵytty. Sosnovka aýylynda endi birer kúnnen keı­in eleýli oqıǵa bolatyn syńaıly. Ásem etip sa­lynǵan eki qabatty aýyldyq ákim­dik­tiń úıine kirdik. Bul jerde dárigerlik ambýlatorııa, ýchaskelik ınspektor, tur­mys­tyq qyzmet kórsetetin mekemeler ornalas­paq. Aýdan ákimi Qalıhan Baı­ǵonysov bul mekemeni tez arada jóndeýge óńir basshysy Berdibek Saparbaevtyń yqpaly bolǵa­nyn aıta ketti. 21 mıllıon teńge bólingen, qa­jet­ti jab­dyq­tar satyp alynǵan. Eki orta mektep shákirtterge esigin aı­qa­ra ash­qan. Balabaqsha da bar. Okrýgte 5,5 myń iri qara, 13 myń qoı, 1400 jylqy ósedi. Egis­tikten bıyl bitik ónim alynypty. 61 sharýa qo­ja­ly­ǵy­nyń ishinen Q. Mýkınovtyń shoq­ty­ǵy bıik. Onyń qara­ma­ǵyn­da 250 sıyr, 470 jylqy bar. Qazaqtyń aqbas sıyry men jebe jylqysyn ósirip jatyr. T. О́ten­ovtiń qo­ja­­lyǵynda eńbek etetinderdiń de eńseleri bıik. – Aýylymyz ortalyqtan shalǵaıda jatsa da, turǵyndardyń tirligi túzý, erteńgi kúnge senimmen qaraıdy. Táýelsizdiktiń jıyrma jyldyǵy qar­sa­ńynda birqatar sharalar jú­ze­ge asty. Aǵash kó­shetteri otyrǵyzylyp, kó­­sheler jóndeldi. Aýdan basshylyǵyna alǵys aıtamyz, únemi qamqorlyq jasap otyrady, – dedi aýyl ákimi. Ońdasyn ELÝBAI, Shyǵys Qazaqstan oblysy, Besqaraǵaı aýdany.