Kúlbaný MUSAEVA: Ulttyq Bank habarlaıdy, túsinikteme beredi, túsindiredi

2003 jylǵy tamyzda qurylǵan sátinen bastap Saqtandyrý tólemderine kepildik berý qory qazaqstandyqtarǵa 860 mıllıon teńgeden asa tóledi. Onyń ishinde saqtandyrý uıymdarynyń shottaryna «Altyn Polıs» saqtandyrý kompanııasyn taratý sátinde jumys istegen qaıta resimdelgen 22 055 saqtandyrý polısi boıynsha shamamen 160 mln. teńge ótemaqy aýdardy. Memlekettik depozıtterge kepildik berý qorymen salystyrǵanda kezinde Ulttyq Bank qurǵanyna qaramastan, STKQ-nyń quramynda memlekettik aksıoner joq. Onyń aksıonerleri – saqtandyrý kompanııalary, alaıda onyń mindeti bireý: saqtandyrýshylar májbúrlep taratylǵan jaǵdaıda olardyń mindettemelerin ózine qabyldaý. 2008 jylǵy 1 qazannan bastap STKQ-ǵa qosymsha fýnksııa berilgen: Qor kólik oqıǵasy ornynan ketip qalǵan avtokólik ıesi keltirgen aıryqsha aýyr dene jaraqatyn alǵan adamdarǵa nemese olar qaıtys bolǵan jaǵdaıda, olardyń otbasylaryna saqtandyrý tólemin tóleıdi. О́kinishke oraı, mundaı jaǵdaılar jıi bolyp turady, Qordyń derekteri boıynsha 2010 jyly oqıǵa ornynan júrgizýshileri qashyp ketken 175 jol-kólik oqıǵasy tirkelgen. Basqa jyldary mundaı oqıǵalar sany 750-ge deıin jetken. Kóbine zardap shekkender men olardyń otbasylary mundaı qıyn jaǵdaıda Qordan kómek alýǵa bolatyndyǵyn bilmegen. Bul tujyrymdy statıstıka da rastap otyr: qor múmkindikteri budan da artyǵyraq bolǵanmen, STKQ osyndaı saqtandyrý jaǵdaılary boıynsha 1,5 mln. teńge tólegen. Sondyqtan da biz únemi túsindirý jumystaryn júrgizip, halyqqa mundaı jaǵdaılarda bizge ótinish berýlerin suraımyz, - deıdi «Saqtandyrý tólemderine kepildik berý qory» AQ bas dırektory Kúlbaný MUSAEVA. Onymen qordyń osy asa mańyzdy fýnksııasy men basqa da mindetteri týraly tolyǵyraq sóıleseıik. … Mundaı saqtandyrý jaǵdaıy basymyzǵa túspesin

– Osy taqyryp tóńiregindegi suraqtardyń al­dyn ala otyryp,  mundaı saqtandyrý jaǵdaılary basymyzǵa túspesin dep tileımiz!

– О́kinishke oraı, qaıǵyly JKO statıstıkasy jan túrshiktiredi … Sondyqtan da mundaı jaǵdaılarda qor beretin azǵantaı tólemderdiń ózi zardap shekkenderge óte qajet jáne STKQ-nyń mundaı áleýmettik fýnksııasy adamdar úshin óte mańyzdy ekenin túsinemiz. Son­dyq­tan da, bul iste bizge óz mekemelerinde: búkil el boı­ynsha qalalyq jáne oblystyq aýrýhanalarda, trav­matologııa­lyq pýnktterde, emhanalarda jáne ishki ister organ­darynda lıfletterimizdi, habarlandy­rý­la­ry­myzdy taratatyn quqyq qorǵaý organdary da, Den­saýlyq saqtaý mınıstrligi de kómek kórsetýde. Sony­men qatar, bizdiń aqparatymyzdy BAQ: baspa, radıo jáne telearnalar da taratýda. Barlyq qazaq­stan­dyqtar kórsetilgen jaǵdaılarda bizdiń kómegimizge ıek arta alatyndyq­taryn bilýi tıis dep oılaımyn.

– Kúlbaný Serikqajyqyzy, bul qarajatty barlyq saqtandyrý uıymdary aýdara ma jáne bar­lyq zardap shekkenderge olardyń saqtandy­rylǵan ne saqtandyrylmaǵanyna qaramastan tólene me?

– Iá, bul qosymsha qor saqtandyrý uıym­­da­ry­nyń mindetti jarnalarynyń esebinen qalyp­tas­tyrylady. Jarnalardy saqtandyrý tólemderine kepildik berý júıesiniń barlyq qatysýshylary – 27 saqtandyrý kompanııasy salady. Bul rette zardap shekken Qazaq­stan azamatyna saqtandyrý tólemi onyń saqtandyryl­ǵanyna ne saqtandyrylmaǵanyna qaramastan tólenedi. Jazataıym jaǵdaılardan saqtandyrý shartynyń shetel azamattarynda jáne azamattyǵy joq adamdarda bolýy talap etiledi. Eger adam zardap shekse, ol (nemese onyń jaqyn­dary) qorǵa ótinish berip, zańnamamen belgilengen mólsherlerde tólemder alady: ómirine keltirilgen zııan­dy óteýge - 250 aılyq eseptik kórsetkish; densaý­lyǵyna keltirilgen aýyr zardapty óteýge - 150 aılyq eseptik kórsetkish. Jerleýge jumsalatyn shyǵys­­tardy óteýge - 15 aılyq eseptik kórsetkish. Aǵymdaǵy qarjy jylyna bir aılyq eseptik kórsetkish 1512 teńge mólsherinde belgilengenin esterińizge sala keteıin. Osyndaı jaǵdaılardyń árqaısysynda tólenetin tólemder somalarynyń qanshalyqty bolatynyn esepteýge bolady. Sondaı-aq, jyl saıyn AEK mólsheri qaıta qaralatynyn da esterińizge salaıyn. Tólemder jasaýǵa ótinishterdi Qor: Almaty, Kók­­tem-3 sh/a, 21-úıde qabyldaıdy. Al tolyǵyraq aqparat bizdiń www.fgsv.kz vebsaıtymyzda ornalas­tyrylǵan.  

Eger JKO-ǵa kináli jasyrynyp júrse – Qandaı jaǵdaılarda qorǵa ótinish berý qajet­tigin oqyrmandar jaqsy túsinýi úshin oqıǵalardy naqty mysaldarmen qarastyryp kórelik. Jaqyn­da bizdiń shaǵyn aýdanymyzda jas jigit máshıne júrgizý quqyǵynsyz, qujattarsyz, mas kúıinde eki stýdent qyzdy qaǵyp ketti. Ekeýi de qazir aýyr ja­ra­qattarmen aýrýhanada jatyr. JKO-ǵa kináli us­taldy. Zardap shegýshiler sizge ótinish jasaı ala ma?

– Eger kináli adam belgili bolsa, onda ol bizge qa­tysty emes. JKO-ǵa kináli adam belgisiz bolyp, oqıǵa ornynan qashyp ketse, ol saqtandyrý jaǵdaıy bolyp tabylady. Biz zardap shegýshilerge joǵaryda atalǵan somany tóleımiz. Eger kináli adam anyqtalsa jáne tabylsa, onda quqyq qorǵaý organdary bul týraly bizge habarlaıdy, biz bul jaǵdaı boıynsha regresstik jumys júrgizemiz. Iаǵnı biz JKO-ǵa kináli adamǵa zar­dap shegýshige tólegen somaǵa shaǵym-talap usynamyz.

– Al eger kináli adam ustalmasa jáne anyq­talmasa, sonyń saldarynan «regress» zardap shegýshilerge usynylmaı ma?

– Joq, esh ýaqytta! Zardap shegýshiler de, olardyń otbasylary da Qorǵa bir tıyn da qaıtarmaıdy. Regresstik shaǵym-talap JKO-ǵa kináli adamǵa ǵana beriledi. Qazir zańnama boıynsha suraýǵa quqyǵy bar, tólem surap ótinish bildirgender sany talqylanyp otyrǵan saqtandyrý jaǵdaılarynyń sanymen salystyrǵanda óte kóp emes – bar bolǵany birneshe adam. Qorǵa elimizde zardap shekken azamattar aýyzsha da, resmı túrde de ótinish bildirýde, alaıda, ómir súrýine sáıkes kelmeıtin, aýyr jaraqat alǵan zardap shegýshilerge mundaı tólemderdi Qor QR Azamattyq kodeksiniń 940-babynyń talaptaryna sáıkes keletin adamdarǵa ǵana: eńbekke jaramsyz adamdardyń, qaıtys bolǵan adamnyń ol qaıtys bolǵannan keıin týǵan balasynyń, sondaı-aq ata-anasynyń bireýi, zaıyby ne eńbekke qabilettiligine qaramastan jumys istemeıtin jáne qaıtys bolǵan adamnyń asyraýynda bolǵan balalaryn, nemerelerin, jasy on tórtke tolmaǵan ne atalǵan jasqa tolsa da, medısına organdarynyń qorytyndysy boıynsha densaýlyq jaǵdaıyna baılanysty basqa adamnyń kútýine muqtaj aǵa-inileri men apa-qaryndastaryn kútýmen aınalysatyn adamdarǵa ǵana tólenedi. Bizdiń praktıkamyzda bolǵan, qor qaıtys bolǵan­dardyń týystaryna saqtandyrý tólemin tólegen eki qaıǵyly oqıǵany mysalǵa keltirýge bolady. Birinshi jaǵdaıda belgisiz máshıne joldan ótip, jumysqa ketip bara jatqan áskerı adamdy qaǵyp ketken. Artynda kishkentaı balasy men bala kútimi boıynsha demalysta otyrǵan áıeli qaldy. Basqa qaıǵyly jaǵdaı: jol-kólik oqıǵasy nátıjesinde Uly Otan soǵysyna qatysqan zeınetker áıeldiń densaýlyǵyna aýyr zııan keldi. JKO-ǵa kináliler anyqtalǵan joq. Biz olardyń barlyq shyǵynyn ótedik, Qorǵa qandaı da bir qarajatty qaıtarý týraly áńgime bolǵan joq.

– Osyndaı jaǵdaılar boıynsha sheshim qan­sha­lyq­ty jyldam qabyldanady jáne zardap shegýshiler neni usynýy qajet?

– Birinshi kezekte mindetti túrde aýyr zııan keltirilgenin nemese qaıtys bolǵanyn rastaıtyn sot-medısınalyq saraptamasynyń qorytyndysyn usy­­ný qajet. Aýyr dene jaraqaty jáne qaıtys bolǵanda ǵana tólemder tóleý kózdelgen. Qujattardyń tolyq toptamasyna sondaı-aq mynalar kiredi: zııandy óteýge arnalǵan ótinish (erkin nysanda); IIM organdarynyń saqtandyrý jaǵdaıynyń bastalý faktisin rastaıtyn qujaty. Iаǵnı, JKO bolǵan jerden qashyp ketken jáne oqıǵa úshin jaýapty tulǵa anyqtal­maǵan jaǵdaıda. JKO saldarynan densaýlyǵyna aýyr zııan keltirilýine baılanysty medısınalyq kómek kór­setilgen medısınalyq mekemeniń zardap shegýshi alǵan jaraqat pen mertigýdiń sıpaty, dıagnozy, eńbekke ýa­qytsha jaramsyzdyq kezeńi kórsetilgen qory­tyndy­synyń kóshirmesi talap etiledi. Sondaı-aq mynalardy usyný qajet: zardap shegýshiniń qaıtys bolǵany týraly kýáliktiń notarıat kýálandyrǵan kóshirmesin (ol qaı­tys bolǵan jaǵdaıda); qaıǵyly oqıǵa bolǵan kezde tul­ǵanyń zııandy óteý quqyǵyn rastaıtyn qujat; jerleý shyǵyndaryn rastaıtyn qujattar ne olardyń kó­shir­meleri; ótinish berýshiniń jeke kýá­liginiń kóshirmesi jáne qarajat aýdarýǵa arnalǵan banktik derektemeleri týraly derekter. Qujattardyń búkil toptamasy jınalsa, onda qor otyz jumys kúni ishinde tólem tóleý týraly ne odan bas tartý týraly sheshim qabyldaıdy. Qor tólem tóleýdi sheshim qabyldanǵan kúnnen bastap bes jumys kúni ishinde júzege asyrady.  

О́tirik aıtqan ońbaıdy – Tólem tóleýden bas tartý úshin qandaı negizder bar?

– Birinshiden, zardap shegýshiniń kólik oqıǵasy negizgi sebep bolǵan qasaqana qylmys nemese ákimshilik quqyq buzýshylyq retinde tanylǵan is-áreketteri. Kináli adam apat bolǵan jerden qashyp ketken JKO bastalǵan sátten bastap bir jyl ótkennen keıin Qorǵa ótinish berý. Eger JKO dúleı kúsh, ıaǵnı osy oqıǵalar kezinde tó­ten­she jáne aldyn alýǵa bolmaıtyn jaǵdaılar saldarynan bastalsa. Mysaly, ıadrolyq jarylystyń, radıasııanyń nemese radıoaktıvtik za­rar­dyń, áskerı is-qımyl­da­rynyń, azamat soǵysy­nyń, jınalystardyń, mıtıngi­ler­diń, sherýlerdiń, pıket­terdiń jáne demonstrasııalardyń, jappaı tártipsiz­dikterdiń nemese ereýilderdiń áser etýi. Sondaı-aq qujattardyń tolyq emes toptamasyn ne shynaıy emes qujattardy usyný da bas tartýǵa negiz bolyp tabylady.

Qor is júrgizýge kirisken kezde – Qordyń qyzmeti halyqtyń aýqymdy tobyna asa belgili emes. Saqtandyrý naryǵynyń Qorǵa iske kirisý úshin azdaǵan negizder bergeni anyq. Sonymen qatar, STKQ ókilettikteri týraly bári bilýi qajet. Qaıda, ne úshin jáne nemen ótinish berýdi túsiný kerek. Mysaly, kópshiligi saqtandyrý sharty jasal­ǵan, al saqtandyrýshy ony tólemeýdiń sebepterin tap­qan nemese saqtandyrý uıymynyń ózi bankrot­tyq jarııalaǵan jaǵdaıda Qor kómektesedi dep oılaıdy.

– Siz durys aıtyp otyrsyz, halyq saqtandyrý boıynsha naqty problemasy bolǵan kezde, biz týraly biledi. Sondyqtan, qazirgi kezde saqtandyrý tólemde­rine kepildik berý júıesine ázirshe mindetti saqtan­dyrýdyń halyqtyń aýqymdy tobynyń múliktik múdde­lerin qozǵaıtyn úsh túri ǵana engizilgen. Bul: kólik quraldary ıeleriniń; tasymaldaýshylardyń jo­laý­shy­lar aldyndaǵy; týroperator men týragent­tiń azamat­tyq-quqyqtyq jaýapkershiligin mindetti saqtandyrý. Qordyń negizgi mıssııasy – saqtan­dy­rý­shylardyń saqtandyrý kompanııasy máj­­­búrlep tara­tylǵan kezde olardyń múddesin qorǵaý. Iаǵnı, biz siz ataǵan oqıǵalardyń eshqaısysyna qa­tys­paımyz – onda daýdy retteýdiń ózge tetikteri bar.

Qor mindetti saqtandyrý túrleri boıynsha ǵana jáne saqtandyrý kompanııasy májbúrlep bankrot bol­ǵan jaǵdaıda ǵana jaýap beredi.

Mysaly,  júr­­­gizý­shiler ózin jáne jolaýshylardy saqtandyrý úshin saqtandyrý polısin alýǵa mindetti. JKO oryn alǵan kezde saqtandyrý tólemin saqtandyrýshy tóleıdi. Eger polısti satqan saqtandyrý kompanııasy májbúrlep jabylsa, onda adamdardyń múddesin qorǵaý jaýapkershiligin Qor ózine alady. Bul bizdiń tarıhymyzda tórt ret boldy: biz májbúrlep taratylǵan aksıonerlik qoǵamdardyń mindettemeleri boıynsha jaýap berdik: «Valıýt-Tranzıt Polıs», «Altyn Polıs» SK» (avtoazamattyq naryǵynyń 25% úlesi bar), «NASKO-Qazaqstan» SK», «Premier Saqtandyrý». Qor osy májbúrlep taratylǵan uıymdardyń kre­­­dı­torlaryna kepildik berilgen tólemderdi júzege asy­rdy jáne «Altyn Polıs» pen «Premier Saqtan­dyrý» kredıtorlaryna tólemder jasaýdy jalǵasty­rýda. Osy saqtandyrý uıymdarynyń kredı­tor­la­ry­nan 3 700 astam ótinish tústi. Tutastaı alǵanda óz ta­rı­hymyzda biz SK taratý  sátinde qoldanylǵan 22 myńnan astam saqtandyrý polısin qaıta resimdedik. Iаǵnı, naryqta jumys isteıtin 23 saqtandyrý kom­­pa­nııasy taratylǵan saqtandyrý kompanııa­la­ry­nyń barlyq klıentterin óz aralarynda bólip aldy. Osyn­daı tásil men tetik ózin-ózi aqtady: eger memleket saq­tan­dyrý polısiniń bolýyn mindettese, onda ol qo­sym­­sha qorǵanyshty – kepildik berý ınstıtýtyn qu­rady. Sondyqtan qordy aldymen Ulttyq Bank qurdy jáne tek QR UB shyqqannan keıin ǵana saqtan­dyrý kompanııalarynyń ózi onyń quryltaıshylary boldy. Qordyń odan keıingi jospary – barlyq mindetti saqtandyrý túrlerin, erikti múliktik jáne ómirdi saqtandyrýdy qamtý. Júıe birtindep damýda jáne 2012 jylǵy 1 qańtardan bastap qyzmetkerlerdi ja­za­taıym jaǵdaılardan mindetti saqtandyrýǵa qatys­ty zeınet­aqy tólemderi jáne annýıtettik tólemder boıynsha jınaqtaýshy saqtandyrý túri qosymsha engiziledi. Damyǵan elderde barlyq saqtandyrý túr­lerine osyndaı qorlardyń kepildik beretinin atap ótken jón.  

Bankrottyq úshin qor jaýap beredi – Eger retteýshi saqtandyrý kompanııasynyń bankrottyǵy rásimin iske qossa, onda onyń klıentteriniń is-áreketi qandaı bolmaq?

– Aldymen retteýshi organnyń lısenzııany qaı­ta­ryp alý týraly sheshimi qabyldanady. Odan keıin qujattar sotqa beriledi jáne eger sot kompanııany taratý týraly sheshim qabyldasa, odan keıin bizdiń jumy­symyz bastalady. Qor belgili bir ýaqyt ishinde aqparattyq-túsindirý jumysyn bastaıdy: jarııala­nymdar, habarlandyrýlar beredi, baspasóz kon­fe­ren­sııalaryn uıymdastyrady. Taratylatyn kompa­nı­ıanyń qarjylyq eseptiligi qosa qarastyrylady, biz odan taratylatyn kompanııanyń  beınesiniń qan­daı ekenin jáne oryn alǵan saqtandyrý jaǵdaılary boıynsha qansha qarajat tólený qajet ekenin kóremiz. Sottyń sheshiminen keıin eki aı ishinde biz kompanııanyń klıentterinen ótinishter qabyl­daı­myz. Taratý komıssııasy polıster boıynsha saqtan­dyrý jaǵdaıyna baılanysty qansha tólenýi kerek ekenin anyqtaıdy. Al qoldany­lyp júrgen polıster boıynsha saqtandyrý portfelin taratý rásimderi aıaqtalǵannan keıin qarajat aýdary­latyn basqa SK-ǵa ótkizý boıynsha jumys júrgiziledi. Sondyqtan saqtandyrylǵan azamattar zańmen aıqyn­dalǵan ke­zeń ishinde olardyń saq­tan­dyrý tólemderin alaty­­­nyna ne olardyń saqtanýy jónindegi mindettemeni basqa kompanııanyń qabyl­daı­tynyna ábden senimdi bola alady.

– Ártúrli sebepterge baılanysty, adamdar óz kompanııalarynyń taratylǵandyǵy týraly habardar bolmaǵan jaǵdaılardy qarastyraıyq.

– Mundaı jáıtter bolmaı qalmaıdy. Sondyqtan, oryn alǵan jaǵdaılar boıynsha ótinishti qabyldaý úshin eki aı beriledi. Eger merzimi ótip ketse, onda keıinnen taratý komıssııasyna ótinish jasaýǵa bolady. Zańda belgilengen kezektilikke sáıkes olar kredıtorlar bolyp tabylady jáne óziniń kezegi kelgende tó­lemderdi ala alady. Alaıda, bul taratý komıs­sııasy sheshetin másele.  

«Uıqydaǵy kredıtorlar»:  eskirý merziminsiz – Sizderde statıstıkaǵa sáıkes ótinish bildirmegen adamdar  kóp pe?

– О́tinish berip, biraq qajetti qujattardy  usyn­baǵan klıentterdiń sanaty barshylyq. Olar usynyl­ǵan ótinishterdiń jalpy sanynyń 15%-ǵa jýyǵyn quraıdy. Biz olardy «uıqydaǵy kredıtorlar» dep ataımyz. Bul ótinishter boıynsha talap qoıý merzimi joq. Bastysy – ótinishti tirkeý. Sondaı-aq osy eki aıda JKO-ǵa tap bolǵan klıentterge – sot sheshimi men polısterdi basqa SK berý arasynda – biz zań boıynsha agent retindegi saqtandyrý kompanııalaryna 7 AEK mólsherinde keltirilgen zııandy baǵalaýdy tóleıtin­digimizdi jáne baǵalaý týraly esepke sáıkes saqtandy­rý tóleminiń ózin tóleıtindigimizdi atap ótkim keledi.

– Praktıkalyq suraq: qordyń bas ofısi Ulttyq Banktiń úıinde ornalasqan, basqa ofıster bar ma? Qa­jet bola qalǵan jaǵdaıda adamdar qaıda barýy kerek? 

– Taratylatyn SK klıentterine qolaıly bolý úshin ótinishterdi qabyldaý kezinde bizdiń qyzmet­kerler bas ofıste ornalasady. О́tinishti poshta arqyly da jiberýge bolady. «Altyn Polıs», «Pre­mier Saqtandy­rýmen» bolǵan jaǵdaıǵa kelsek, biz taratý komıs­sııala­rymen bir úıde jaıǵastyq. Oǵan qosa, saqtandyrý kompanııalary jáne olardyń fı­lıal­dyq jelisi agentter retinde jumys istedi jáne sondaı-aq ótinishti qabyldap, olardy keıinnen Qorǵa jiberip otyrdy, adamdarǵa keńes berdi. Biraq kredıtorlardyń basym bóligi  ózderi poshta arqyly Qorǵa ótinish bildirdi.

– Taratylatyn kompanııalardyń klıentteri qa­byl­danǵan sheshimderge árqashanda qanaǵattana ma?

– Joq. Bizdiń qysqa tarıhymyzda qazirdiń ózinde 300-ge jýyq sot isi bar, olardy biz adamdardyń baǵalaý somasymen kelisýine baılanysty júrgizemiz. Sotqa sondaı-aq eki aılyq merzimdi ótkizip alǵan adamdar da ótinish bildiredi. – Al sotta máseleler qalaı sheshildi? – Ártúrli sheshiledi, árbir jaǵdaıdy jeke-jeke qaraý qajet. Biraq biz, ózimizdiń durys ustanymda ekenimizdi túsinsek, óz kózqarasymyzdy sońǵy satyǵa deıin qorǵaı alamyz.

– Barlyq saqtandyrý kompanııalary Kepildik berý qorynyń  qatysýshylary  bolyp tabylady ma?

– Mindetti saqtandyrýdyń 3 túri boıynsha polısterdi satýmen aınalysatyn barlyq saqtandyrý kompa­nııalary mindetti túrde Qordyń qatysý­shy­lary bolýy tıis. Qorǵa qatyspasa, olarǵa lısenzııa berilmeıdi. Qor qurylǵanǵa deıin saqtandyrýdyń osy túrimen aına­lys­qan kompanııalardyń barlyǵy avtomatty túrde Qorǵa kirdi. Al, saqtandyrýdyń osy túrimen aı­na­lys­qysy keletin jańa SK retteýshiden lısenzııany alǵanǵa deıin bizben shart jasasýy qajet. Qorǵa qatysý sharty Qarjylyq qadaǵalaý komıtetine lısenzııa alý úshin usynylatyn qajetti qujattardyń tizbesine qosa beriledi. Qazirgi kezde saqtandyrýdyń osy túrimen aınalysatyn barlyq kompanııalar tek Qordyń qatysý­shylary ǵana emes, onyń aksıonerleri bolyp tabylady.

– Ulttyq Bank aksııalardyń barlyq paketin sat­ty. Qordy qadaǵalaý qalaı júrgiziledi degen suraq týyn­daıdy, memleket oǵan qalaısha ba­qylaý júr­gizedi?

– Shyn máninde, 2008 jyly Ulttyq Bank saqtan­dyrý kompanııalaryna aksııalardyń tolyq paketin satty. Biz aksıonerlik qoǵam retinde tirkelgenbiz, biraq kommersııalyq emes uıym bolyp tabylamyz. Iаǵnı, biz paıda tabýdy kózdemeımiz. Bizdiń mindetimiz – májbúr­lep taratý kezinde kredıtorlardyń múd­desin qorǵaý bolyp tabylady. Kredıtorlar degenimiz – bul polısterdi satyp alǵan jeke tulǵalar, sol sııaqty zańdy tulǵalar. QR UB Qarjylyq qadaǵalaý komıteti Qordyń  ýákiletti organy bolyp tabylady. Oǵan qosa, Qordyń dırektorlar keńesine QR UB Qarjylyq qadaǵalaý komıtetiniń ókili kiredi. Son­daı-aq qazirgi kezde Ult­tyq Banktiń aksıonerler quramyna qaıta oralý má­selesi qaralyp jat­qan­dyǵyn qosa aıta ketkim keledi.

– Áńgimeńizge rahmet.

Áńgimelesken Alevtına DONSKIH.