Wi-Fi jelisi

Atyraýda ınternettiń osyndaı túrine tegin qosylýǵa bolady Oblystyq telekommýnıkasııa dıreksııasy Atyraý qala­synda «Wi-Fi jelisiniń qu­rylysyn júrgizý» joba­syn iske asyrdy. Buǵan ob­lys ákimi Bergeı Rysqalıev qol­daý bildirdi. Inter­net­tiń mun­daı symsyz baı­la­nys túrin paı­dalanýshylar endi qala­nyń birneshe ala­ńyn­da tegin qosyla alatyn boldy. Sóıtip, Atyraý qa­la­syndaǵy alań­darda, alleıalar men parkterde, sondaı-aq, Jaıyq ózeni jaǵa­laý­la­rynda, Atyraý saýda úıinde noýtbýk arqyly tegin ınternetke qosylýǵa jol ashylyp otyr. – Bul Elbasy Nursultan Nazarbaevtyń tapsyrma­sy­na sáıkes iske asyrylyp otyr. Jo­bany iske asyrý úshin ob­lys bıýdjetinen 13 mıllıon teńge qarjy bólindi, – dedi ob­lys ákimi Bergeı Rysqa­lıev.  – Jyl aıaǵyna deıin taǵy da qalanyń birneshe sha­ǵyn aýdanynda  osyndaı tegin ınternetke qosylýdyń  núkteleri ashylady. Joldasbek ShО́PEǴUL, Atyraý oblysy.