Qazaqstandyq ánshi Dımash Qudaıbergen álemdegi eń úlken mýzykalyq marapattardyń birin enshiledi. Bul týraly ánshiniń menedjeri Alpamys Sharımov Instagramdaǵy jeke paraqshasynda jazdy.
«Ekinshi kún qatarynan úlken marapat! Álemdegi eń úlken marapattardyń aldy bolyp tabylatyn MTV Music awards júldesi tuńǵysh ret qazaq balasynyń enshisinde! Bul tarıx! Qutty bolsyn, jan dosym!!!» - dep jazylǵan habarlamada.
Buǵan deıin Alpamys BAQ ókilderine Dımashtyń Gýanchjoýda ótetin MTV Music Awards Asia sharasyna qatysatynyn habarlaǵan bolatyn. Qazaqstandyq ánshi onda «Azııanyń eń tanymal sheteldik ánshisi» atalymyna úmitker retinde qatysatynyn málim etken.
Esterińizge sala ketsek, kúni keshe Dımash Qudaıbergen Qytaıda Asian Music GaLa marapattaý keshinde "Eń tanymal shet eldiń ánshisi" nomınasııasynyń ıegeri atanǵan bolatyn.