Shymkenttik ónertapqysh Qýanysh Rysqulov latyn qarpine kóshý kezinde kezdesetin qıyndyqty jeńetin ádisin usynyp, 1 mln teńgeni qanjyǵasyna baılady.
IT mamandary arasynda ótken konkýrs oblys ákimdiginiń uıymdastyrýymen osydan bir aı buryn jarııalanǵan bolatyn. «Hakaton» marafony Elbasy saıasatyn qoldaý maqsatynda qolǵa alynǵan joba.
Sharaǵa stýdentter, oqýshylar, jas ónertapqyshtar men túrli deńgeıli IT mamandardan quralǵan 50 adam qatysqan. Olardyń ishinen 8 mamannyń jobasy úzdik dep tanyldy.
Qýanysh Tursynqululy aqparattyq tehnologııalar salasynda 8 jyldan beri eńbek etip keledi. Ol buǵan deıin birneshe kompıýterlik baǵdarlamalar ázirlep, Almaty, Astana qalalaryndaǵy ótken respýblıkalyq dodalarda top jarǵan. Baıqaý qazylary Qýanyshtyń jobasyn der kezinde ázirlegen qajetti baǵdarlama dep tanypty.
Aldaǵy ýaqytta kırıllısany latyn qarpine lezde aýystyratyn baǵdarlamaǵa qarjy bólip, keń kólemde qoldanysqa engizý josparlanyp jatyr. Uıymdastyrýshylar mundaı jobanyń keleshekte de jalǵasyn tabatynyn aıtady.