Mindetti áleýmettik medısınalyq saqtandyrý isi boıynsha jurt ekiudaı pikirde qalǵany jasyryn emes. Densaýlyq saqtaý mınıstrligi bul bastamanyń qajettiligin, álemdik tájirıbede bar ekenin, densaýlyq salasynyń damýyna septigi tıetinin habarlap keledi. Degenmen, kópshilik arasynda osyǵan qatysty teris pikirler de joq emes. Solardyń biri qoǵam belsendisi, ekonomıst Rahym Oshaqbaev bir aıǵa jýyq ýaqyt buryn Facebook áleýmettik jelisi arqyly medısınalyq saqtandyrýdyń júıesi týraly synı pikirin bildirgen bolatyn.
Arada belgili bir ýaqyt ótkennen keıin Densaýlyq saqtaý mınıstri ony ashyq debatqa shaqyryp, sol jerde bárin talqylaýdy usyndy. О́z kezeginde Rahym Oshaqbaev Eljan Birtanovtyń usynysyn birden qabyl aldy.
Medısınalyq saqtandyrý máselesin halyqqa jetkizý barysynda bul sharanyń mańyzy zor. Ne úshin mańyzdy? Sebebi, kóp jaǵdaıda bılik tarapynan qabyldanyp jatqan bastamalar halyqqa tolyq ári naqty jetkizilmegendikten keraǵar pikir týyndap jatady. Saldarynan jaýapty mekemeler óz isin tolyq oryndamaı otyrǵany týraly teris oı qalyptasyp qalatyny jasyryn emes. Al osy debat arqyly medısınalyq saqtandyrýdyń qyr-syryn Densaýlyq saqtaý mınıstriniń ózi tolyǵymen túsindiredi. Iаǵnı, Úkimet pen halyq ashyq dıskýssııaǵa kelip, ózekti máselelerdi talqyǵa salady.
«Bul debatty kóp adamnyń kórgenin qalar edim. Sebebi, osy efır arqyly kópshilik kókeıinde júrgen suraqtarǵa jaýap tabylady dep oılaımyn. Sondaı-aq, bizdiń ustanatyn pozısııamyz, ıaǵnı medısınalyq saqtandyrýdy ne sebepti engizý kerek ekenin, keıinge qaldyrýǵa bolmaıtynyn kópshilik biler edi. Taǵy bir aıta keterlik jaıt, kórermender arasynda efırdi úzip kórsetti degen oı qalmas úshin tikeleı efırde kórsetýdi jón kórdik», dedi Densaýlyq saqtaý mınıstri Eljan Birtanov.
Shynyn aıtqanda, Úkimet pen halyqtyń ashyq dıskýssııaǵa kelýi jaqsy belgi. Bul batys qoǵamynda qalyptasyp qalǵan jaǵdaı.
Daıyndaǵan: Aıan ÁBDÝÁLI, «Egemen Qazaqstan»