Soltústik Qazaqstan el boıynsha jemqorlyq eń az kezdesetin oblys sanalady. Desek te, memlekettik qyzmet isteri jáne sybaılas jemqorlyqqa qarsy departament basshylyǵy «barmaq basty, kóz qysty» keselge qarsy tabandy kúresti báseńdetpek emes.
«Nur Otan» partııasy jergilikti fılıal ókilderimen kezdesýde atalmysh vedomostvo jetekshisi Ǵalym Tursynbaev osylaı málimdedi. Jyl basynan beri 24 sybaılas jemqorlyqtyń joly kesilip6 para alýshylar da, berýshiler de tıisti jazalaryn alǵan.
Jıyn barysynda mynandaı «qyzyqty» mysal keltirildi. О́ńirde bir laýazymdy tulǵa ózine «syılyq» jasaǵysy kelgen azamattyń «qyzmetinen» bas tartyp qana qoımaı, onyń keleńsiz is-áreketi jóninde tıisti oryndarǵa habarlaǵan. Sóıtip, memlekettik qyzmetshi degen abyroıyna kir keltirmeı adaldyq tanytqan. Al, jeke basynyń máselesin ońaı jolmen sheshýdi maqsat etken «qoly ashyq» tulǵanyń 400 myń teńge mólsherinde aıyppul tóleýine týra kelgen.
О́mir Esqalı, «Egemen Qazaqstan» Soltústik Qazaqstan oblysy