«Pavlodar» AEA qyzmetiniń basymdyqty túri hımııa jáne munaı-hımııa salalaryndaǵy óńdeý ónerkásibi bolyp tabylady.
AEA-da iske asyrylǵan jobalardyń biri «ÝPNK-PV» JShS bolyp tabylady, ol «Qazaqstan elektrolız zaýyty» AQ qajettilikteri úshin munaı koksyn qyzdyrýmen aınalysady. «ÝPNK-PV» JShS dırektory N. Áýbákirov kásiporynda ónimdilik pen ónim sapasyn arttyrýǵa múmkindik beretin zamanaýı jabdyqtar jáne ınnovasııalyq tehnologııalar qoldanylatynyn baıandady. Otandyq naryqpen qatar ónimdi Reseı Federasııasyna jáne Qytaıǵa eksportqa jiberý múmkindigi pysyqtalýda.
Budan ózge, «Pavlodar» AEA aýmaǵynda «Gissenhaus» JShS-niń qosyndylanǵan alıýmınıı óndirý boıynsha jańa jobasy iske asyryldy. Zaýyt dırektory E. Shfes joba qýaty jylyna 36 myń tonna alıýmınııdi quraıtynyn baıandady. Shıkizat kózi «Qazaqstan elektrolız zaýyty» AQ-nyń suıyq túrindegi bastapqy, sondaı-aq quıma túrindegi alıýmınıı bolyp tabylady.
Kásiporyn ónimi ishki naryqta ótkiziledi jáne alıýmınııden jasalǵan joǵary tehnologııalyq buıymdarǵa suranysty qamtıdy, sondaı-aq eksport naryqtary perspektıvaly bolyp tabylady.
Joba alıýmınıı óndiristeri klasterin qurý sharalary aıasynda iske asyryldy jáne Qazaqstan metallýrgııasy tarıhyndaǵy bir aýmaqta alıýmınııdi qaıta balqytýdyń barlyq túrleriniń óndirisi shoǵyrlanǵan alǵashqy kásiporyn bolmaq. Bul metallýrgııa ónerkásibin damytýdyń jańa deńgeıine shyǵarýǵa múmkindik beredi.